Wetin Mek Nɔto Chɔch Jiova Witnɛs dɛn De Kɔl di Ples Usay dɛn De Wɔship?

Insay di Baybul, di Grik wɔd we dɛn translet as “chɔch” min pipul dɛn we kam togɛda fɔ wɔship; nɔto di ples usay dɛn de mit.

Tink bɔt dis ɛgzampul: We di apɔsul Pɔl bin rayt to di Kristian dɛn na Rom, i se mek dɛn grit Prisila ɛn in man we na Akwila, dɔn i se: “Grit di chɔch we kin mit na dɛn os.” (Lɛta Fɔ Rom 16:5, Contemporary English Version) We Pɔl tɔk dat, i nɔ bin min se dɛn fɔ grit di ples. Bɔt, na di pipul dɛn i bin se mek dɛn grit; i bin min di kɔngrigeshɔn we bin de mit na da ples de.a

So bifo wi kɔl di ples usay wi de wɔship, chɔch, wi de kɔl am “Kiŋdɔm Ɔl.”

Wetin Mek Wi Kɔl Am “Jiova Witnɛs dɛn Kiŋdɔm Ɔl”?

Wi kɔl am so fɔ difrɛn rizin dɛn:

• Di ples na ɔl, ɔ say we pipul dɛn kin mit.

• Wi kin mit fɔ wɔship Jiova we na di Gɔd we di Baybul tɔk bɔt, ɛn fɔ tɔk bɔt am.—Sam 83:18; Ayzaya 43:12.

• Wi kin mit bak fɔ lan bɔt Gɔd in Kiŋdɔm, di sem Kiŋdɔm we Jizɔs bin de tɔk bɔt.—Matyu 6:9, 10; 24:14; Lyuk 4:43.

Wi want mek yu kam fɛn wi na di Kiŋdɔm Ɔl we de nia yu ɛn si fɔ yusɛf aw Jiova Witnɛs dɛn de ol dɛn mitin dɛn.