“Wi Nɔ De Gri Lɛ Wi At Pwɛl ɛn Tap fɔ Wok”

4:​16-18, NW

Imajin se tu famili dɛn de na wan os we dɔn ol ɛn dɔn de pwɛl. Di wan famili nɔ gladi ɛn wi ɔndastand wetin mek dɛn nɔ gladi. Bɔt i strenj fɔ no se di ɔda famili gladi. Wetin mek? I nɔ go te igen di sɛkɔn famili go transfa na fayn nyu os.

Pan ɔl we “naw, i jɛs tan lɛkɛ se ɔl wetin Gɔd mek de pini bikɔs dɛn de fil pen,” Gɔd in savant dɛn gɛt op we de ɛp dɛn fɔ bia. (Rom 8:​22) Wi no se di prɔblɛm dɛn we de mit wi naw, ivin di wan dɛn we dɔn de mɔna wi fɔ lɔng tɛm, na jɔs fɔ “shɔt tɛm ɛn i smɔl” we wi kɔmpia am to wetin i go tan lɛk fɔ de na Gɔd in nyu wɔl sote go. We wi pe atɛnshɔn pan di blɛsin dɛn we wi go gɛt tumara bambay ɔnda Gɔd in Kiŋdɔm, dat go ɛp wi fɔ gɛt gladi at ɛn nɔ giv ɔp.