“Trit Uman dɛn we Dɔn Ol Lɛk se Na Yu Mama dɛn, Tɔk to Yɔŋ Sista dɛn Lɛk se Na Yu Sista Dɛn”

Di Baybul tɛl wi se wi fɔ trit ol wan dɛn na di Kɔngrigeshɔn as wi mama ɛn papa dɛn ɛn yɔŋ wan dɛn as wi brɔda ɛn sista dɛn. (Rid 1 Timoti 5:​1, 2.) Na brɔda dɛn mɔ nid fɔ valyu sista dɛn ɛn trit dɛn wit rɛspɛkt.

No brɔda nɔ fɔ ɛva mek lɛk se i lɛk ɛni sista ɔ du ɛnitin we go mek di sista nɔ fil fayn we i de arawnd am. (Job 31:​1) Brɔda we nɔ mared nɔ fɔ du sɔntin we go mek sista we nɔ mared fil se i want am we i bi se i nɔ want am.

Ɛlda dɛn fɔ lisin to sista dɛn we tek tɛm aks kwɛstyɔn wit rɛspɛkt ɔ sho dɛn sɔntin we dɛn nid fɔ pe atɛnshɔn to. Ɛlda dɛn nid fɔ sho se dɛn bisin mɔ bɔt di wan dɛn we dɛn man dɔn day ɛn protɛkt dɛn.—Rut 2:​8, 9.

WACH DI VIDIO WE GƐT DI TAYTUL, KƆNTINYU FƆ SHO LƆV INSAY DI KƆNGRIGESHƆN​—TO DI WAN DƐN WE DƐN MAN DƐN DƆN DAY ƐN DI WAN DƐN WE NƆ GƐT PAPA, DƆN UNA ANSA DI KWƐSTYƆN DƐN WE DE DƆŊ:

• 

  Aw di Kɔngrigeshɔn bin sho se dɛn rili lɛk Sista Myint?

• 

  Aw di lɔv we di Kɔngrigeshɔn bin sho bin afɛkt di pipul dɛn na di vilej?

• 

  Aw di lɔv we di Kɔngrigeshɔn sho bin ɛp Sista Myint in galpikin dɛn?

Wetin na sɔm tin dɛn we yu go du we go sho se yu bisin bɔt di sista dɛn na yu Kɔngrigeshɔn?