STƆDI 13

Sho Wetin Mek di Tɔpik Impɔtant

Prɔvabs 3:21, NW

WETIN FƆ DU: Ɛp di wan dɛn we de lisin to yu fɔ ɔndastand aw yu tɔpik go afɛkt dɛn layf ɛn sho dɛn wetin fɔ du wit di tin dɛn we dɛn de lan.

Tink bɔt di wan dɛn we de lisin to yu. Tek tɛm tink bɔt wetin mek dɛn nid fɔ yɛri di mɛsej we yu de tɛl dɛn, ɛn us patikyula tin we go ɛp dɛn.
We yu de tɔk, sho di pipul dɛn wetin fɔ du. As yu bigin fɔ tɔk, mek lɛ ɔl di wan dɛn we de lisin to yu kam fɔ no se, ‘Dis na sɔntin we go ɛp mi.’ We yu de tɔk bɔt ɛni men pɔynt, sho aw dɛn go du di tin we yu de tɔk bɔt. Tɔk bɔt wan patikyula tin.

Tɔk bɔt aw dɛn go fala di prinsipul dɛn we de na di Baybul ɛn du am di we we go sho se yu ɔndastand aw dɛn de fil. Bifo yu tɔk tin we go mek pipul dɛn fil bad bɔt di bad tin we dɛn bin dɔn du, ɛp dɛn lɛ dɛn lɛk Jiova ɛn gɛt fet pan am. Yu fɔ biliv se dɛn go du di rayt tin ɛn fala di advays we yu de gi dɛn.