Tɔk wit Rɛspɛkt fɔ lɛ Pipul dɛn Lisin

Sɛkɛn Lɛta Fɔ Kɔrint 2:​17

WETIN FƆ DU: Tɔk di we aw pipul dɛn go ɔndastand, ɛn di kayn we we go sho aw yu de fil bɔt di tɔpik ɛn di wan dɛn we de lisin to yu.

AW FƆ DU AM:

• Pre we yu de pripia ɛn tek tɛm pripia. Pre fɔ mek yu pe atɛnshɔn pan di mɛsej nɔto pan yusɛf. Pe atɛnshɔn pan di men pɔynt dɛn we yu nid fɔ tɔk bɔt. We yu de tɔk sɔntin, tɔk am na yu yon wɔd; nɔ jɔs rid am lɛk aw yu si am na di pepa.

• Tɔk frɔm yu at. Tink bɔt wetin mek di wan dɛn we de lisin to yu nid fɔ yɛri di mɛsej. Pe atɛnshɔn pan dɛn. Dɔn, di we aw yu de tinap ɔ sidɔm, di we aw yu de mek yu bɔdi ɛn yu fes, go sho se yu biliv wetin yu de tɔk ɛn yu lɛk di pipul dɛn we yu de tɔk to.

• Luk di wan dɛn we yu de tɔk to. I fayn fɔ luk di pipul dɛn we yu de tɔk to if yu de na say we dɛn nɔ go si am as fityay. We yu de gi tɔk, luk di pipul dɛn wan bay wan, nɔ jɔs pas pas yu yay pan dɛn.