LƐSIN 42
Wetin di Baybul Tɔk bɔt Pɔsin We Mared ɛn Pɔsin We Nɔ Mared?
Na sɔm kɔlchɔ dɛn, pipul dɛn biliv se pɔsin nɔ go gladi if i nɔ mared. Bɔt nɔto ɔl mared pipul dɛn gladi ɛn nɔto ɔlman we nɔ mared nɔ gladi. Di tru tin na dat di Baybul se if pɔsin mared ɔ i nɔ mared na gift frɔm Jiova.
1. Wetin na sɔm bɛnifit dɛn we pɔsin gɛt if i nɔ mared?
Di Baybul se: “Ɛnibɔdi we mared go bɛnifit, bɔt ɛnibɔdi we nɔ mared go bɛnifit mɔ.” (Rid 1 Kɔrintians 7:32, 33, 38.) Us we dɛn pɔsin we nɔ mared go “bɛnifit mɔ”? Kristian dɛn we nɔ mared nɔ gɛt man ɔ wɛf fɔ kia fɔ. So dɛn gɛt mɔ fridɔm. Fɔ ɛgzampul, sɔm kin ebul fɔ du mɔ fɔ Jiova bay we dɛn travul go ɔda say fɔ prich di gud nyuz. Ɛn wetin pas ɔl, dɛn kin spɛn mɔ tɛm fɔ kam nia Jiova.
2. Wetin na sɔm bɛnifit we pɔsin go gɛt we i mared ligal wan?
Jɔs lɛk aw pɔsin we nɔ mared kin bɛnifit, na so pɔsin we mared kin gɛt spɛshal bɛnifit dɛn. Di Baybul se “tu pipul dɛn bɛtɛ pas wan pɔsin.” (Ɛkliziastis 4:9, NWT) Dis na tru mɔ fɔ Kristian dɛn we de aplay Baybul prinsipul dɛn na dɛn mared. Tu pipul dɛn we mared ligal wan de mek prɔmis se dɛn go lɛk, rɛspɛkt, ɛn valyu dɛnsɛf ɔltɛm. Dat de mek dɛn fil sef pas man ɛn uman we de pan tap-to-mi. Ɛn dɛn pikin dɛnsɛf de fil sef ɔltɛm.
3. Aw Jiova de si mared?
We Jiova bin mek di fɔs mared, i bin se: “Man go lɛf in mama ɛn papa ɛn go de wit in wɛf ɛn dɛn tu go bi wan.” (Jɛnɛsis 2:24) Jiova want maredman ɛn in wɛf fɔ lɛk dɛnsɛf ɛn kɔntinyu fɔ de togɛda as lɔng as dɛn de alayv. Di wangren tin we go alaw dɛn fɔ dayvɔs na if wan pan dɛn du mami ɛn dadi biznɛs wit ɔda pɔsin. We da kayn tin apin, Jiova de alaw di man ɔ wɛf we nɔ du bad fɔ gɛt di rayt fɔ disayd if i go want fɔ dayvɔs.a (Matyu 19:9) Jiova nɔ de alaw Kristian dɛn fɔ gɛt pas wan man ɔ wan wɛf.—1 Timoti 3:2.
LAN MƆ
Lan aw yu go gɛt gladi-at ɛn mek Jiova gladi ilɛk yu mared ɔ yu nɔ mared.
4. Mek gud yus ɔf di tɛm we yu nɔ mared
Jizɔs bin se we pɔsin nɔ mared na gift. (Matyu 19:11, 12) Rid Matyu 4:23, dɔn una tɔk bɔt dis kwɛstyɔn:
We Jizɔs nɔ bin mared, aw i yuz dat fɔ sav in Papa ɛn ɔda pipul dɛn?
Kristian dɛn go ɛnjɔy fɔ yuz di tɛm we dɛn nɔ mared jɔs lɛk aw Jizɔs bin du. Ple di VIDIO, dɔn una tɔk bɔt di kwɛstyɔn we de dɔŋ.
Us fayn we dɛn Kristian dɛn go yuz di tɛm we dɛn nɔ mared?
Yu bin no?
Di Baybul nɔ gi ej we pɔsin fɔ rich bifo i mared. Bɔt i ɛnkɔrej pɔsin fɔ wet te di tɛm we i “nɔ tu yɔŋ.” Dis na tɛm we yɔŋ pɔsin kin rili want fɔ du mami ɛn dadi biznɛs, ɛn i nɔ ebul fɔ tink fayn fɔ disayd fɔ du wetin rayt.—1 Kɔrintians 7:36.
5. Tek tɛm pik di pɔsin we yu go mared
Fɔ disayd udat yu go mared na wan pan di impɔtant tin dɛn we yu go ɛva disayd fɔ du. Rid Matyu 19:4-6, 9, dɔn una tɔk bɔt dis kwɛstyɔn:
Wetin mek Kristian nɔ fɔ rɔsh fɔ mared?
Di Baybul go ɛp yu fɔ no us kwaliti dɛn fɔ luk fɔ pan pɔsin we yu go want fɔ mared. Di tin we impɔtant pas ɔl na fɔ luk fɔ pɔsin we lɛk Jiova.b Rid 1 Kɔrintians 7:39 ɛn 2 Kɔrintians 6:14. Dɔn una tɔk bɔt dɛn kwɛstyɔn dɛn ya:
Wetin mek wi fɔ mared wi kɔmpin Kristian?
Aw yu tink se Jiova go fil if wi disayd fɔ mared pɔsin we nɔ lɛk am?
If dɛn put animal dɛn we difrɛn fɔ wok togɛda, dɛn go sɔfa. Semweso, if Kristian mared to pɔsin we nɔ de sav Jiova, dɛn go gɛt bɔku prɔblɛm dɛn
6. Si mared lɛk aw Jiova de si am
Insay di Izrɛlayt dɛn tɛm, sɔm man dɛn bin de dayvɔs dɛn wɛf dɛn fɔ no gud rizin. Rid Malakay 2:13, 14, 16, dɔn una tɔk bɔt dis kwɛstyɔn:
Wetin mek Jiova et we pipul dɛn de dayvɔs fɔ rizin dɛn we nɔ de na di Baybul?
We man ɛn in wɛf dayvɔys ɔ we wan pan dɛn du mami ɛn dadi biznɛs wit ɔda pɔsin, dat kin ambɔg di wan we nɔ du bad ɛn di pikin dɛn
Ple di VIDIO, dɔn una tɔk bɔt di kwɛstyɔn we de dɔŋ.
If yu mared to pɔsin we nɔ lɛk Jiova, wetin yu go du fɔ gɛt gladi-at na yu mared-os?
7. Obe Jiova in lɔ dɛn bɔt mared
Pɔsin go nid fɔ wok tranga wan fɔ obe Jiova in lɔ dɛn bɔt mared.c Bɔt Jiova go blɛs di wan dɛn we de du dat. Ple di VIDIO.
Rid Ibruz 13:4, dɔn una tɔk bɔt dɛn kwɛstyɔn dɛn ya:
Yu tink se Jiova in lɔ dɛn bɔt mared mek sɛns? Wetin mek yu tink so? Wetin mek yu nɔ tink so?
Jiova ɛkspɛkt Kristian dɛn fɔ rɛjista dɛn mared ɛn we dɛn dayvɔs, bikɔs na dat gɔvmɛnt kin tɛl pipul dɛn fɔ du na bɔku kɔntri dɛn. Rid Taytɔs 3:1, dɔn una tɔk bɔt dis kwɛstyɔn:
If yu mared, yu shɔ se yu mared rɛjista ligal wan lɛk aw di gɔvmɛnt se?
IF PƆSIN AKS YU: “Wetin mek pipul dɛn fɔ mared? Tu pipul dɛn nɔ go jɔs de togɛda?”
Aw yu go ansa?
WETIN YU DƆN LAN?
We pɔsin mared ɛn we pɔsin nɔ mared na gift frɔm Jiova. If pɔsin mared ɛn if i nɔ mared, i go ɛnjɔy ɛn gɛt gladi-at we i du tin di we aw Jiova want.
Rivyu
Aw pɔsin go mek gud yus ɔf di tɛm we i nɔ mared?
Wetin mek di Baybul se na wi kɔmpin Kristian nɔmɔ wi fɔ mared to?
Wetin na di wangren rizin we di Baybul gi we fɔ mek maredman ɛn in wɛf dayvɔs?
DU MƆ RISACH
Wetin i min fɔ mared “pɔsin nɔmɔ we biliv di Masta?”
“Kwɛstyɔn dɛn we Pipul dɛn Kin Aks” (Di Wachtawa, Julay 1, 2004)
Wach tu shɔt vidio dɛn we go ɛp yu fɔ disayd di rayt tin bɔt mared ɛn we yu de wach pɔsin fɔ mared.
Lan wetin mek wan brɔda fil se wetin Jiova dɔn gi am valyu pas ɛnitin we i dɔn lɛf biɛn.
Wetin na sɔm tin dɛn we pɔsin fɔ tink bɔt bifo i disayd if i fɔ dayvɔs ɔ pat wit in man ɔ in wɛf?
“Rɛspɛkt Wetin ‘Gɔd Dɔn Jɔyn Togɛda’” (Di Wachtawa, Disɛmba, 2018)
b Na sɔm kɔlchɔ dɛn, na mama ɛn papa dɛn kin pik udat dɛn pikin fɔ mared. If na so i de bi na di say usay yu de, mama ɛn papa dɛn we lɛk dɛn pikin dɛn nɔ fɔ luk fɔs to mɔni ɔ di famili usay di pɔsin kɔmɔt. Bɔt dɛn fɔ chɛk if di pɔsin we want fɔ mared dɛn pikin lɛk Jiova.
c If yu de na os wit pɔsin we yu nɔ mared to, i lɛf to yu fɔ disayd if yu fɔ mared am ɔ nɔ fɔ mared am.