Put Yusɛf Dɔŋ
Aw Jiova de si di wan dɛn we de put dɛnsɛf dɔŋ ɛn di wan dɛn we de mek prawd?
Sam 138:6; Prɔ 15:25; 16:18, 19; 22:4; 1Pi 5:5
Luk bak Prɔ 29:23; Ayz 2:11, 12
Impɔtant Baybul ɛgzampul (dɛn) we go ɛp yu:
2Kr 26:3-5, 16-21—Kiŋ Uzaya mek prawd; i pwɛl Gɔd in Lɔ ɛn i vɛks we dɛn kɔrɛkt am, so Gɔd mek i gɛt lɛprɔsi
Lyu 18:9-14—Jizɔs yuz ɛgzampul fɔ sho aw Jiova de fil bɔt di prea dɛn we prawd pɔsin ɛn pɔsin we de put insɛf dɔŋ de mek
Aw Jiova de fil we pɔsin put insɛf dɔŋ ɛn ripɛnt frɔm in at?
2Kr 7:13, 14; Sam 51:2-4, 17
Impɔtant Baybul ɛgzampul (dɛn) we go ɛp yu:
2Kr 12:5-7—Kiŋ Rɛoboam ɛn di prins dɛn na Juda put dɛnsɛf dɔŋ bifo Jiova ɛn dat mek i sɔri fɔ dɛn
2Kr 32:24-26—Ɛzikaya we na gud Kiŋ bin mek prawd, bɔt Jiova fɔgiv am we i put insɛf dɔŋ
We wi put wisɛf dɔŋ, aw dat go ɛp fɔ mek wi padi biznɛs wit ɔda pipul dɛn go bifo?
Ɛfi 4:1, 2; Fil 2:3; Kol 3:12, 13
Impɔtant Baybul ɛgzampul (dɛn) we go ɛp yu:
Jɛn 33:3, 4—Di we aw Jekɔp grit in brɔda Isɔ we bin vɛks pan am sho se i rili ɔmbul ɛn dat mek dɛn mek pis
Jɔj 8:1-3—Jɔj Gidiɔn put insɛf dɔŋ ɛn tɛl di man dɛn na Ifrem se dɛn bɛtɛ pas am ɛn dat mek dɛn at kol
Aw Jizɔs Krays sho se i impɔtant fɔ ɔmbul?
Mat 18:1-5; 23:11, 12; Mak 10:41-45
Impɔtant Baybul ɛgzampul (dɛn) we go ɛp yu:
Ayz 53:7; Fil 2:7, 8—Jɔs lɛk aw di prɔfɛt dɛn bin tɔk, Jizɔs put insɛf dɔŋ ɛn du di wok we dɛn sɛn am na dis wɔl fɔ du ɛn i bin ivin rɛdi fɔ sɔfa ɛn day shemful wan
Lyu 14:7-11—Jizɔs yuz di ɛgzampul fɔ gɛt di bɛst sidɔmples na pati fɔ sho aw wi de bɛnifit we wi put wisɛf dɔŋ
Jɔn 13:3-17—Jizɔs sɛt ɛgzampul fɔ put insɛf dɔŋ fɔ di wan dɛn we de fala am we i was in apɔsul dɛn fut