Wachtawa LAYBRI NA DI INTANƐT
Wachtawa
LAYBRI NA DI INTANƐT
Krio
  • BAYBUL
  • BUK ƐN ƆDA TIN DƐN
  • MITIN DƐN
  • km 5/14 p. 3
  • Kwɛstyɔn Bɔks

Fim nɔ de fɔ dis say we yu pik.

Sɔri o, prɔblɛm de we mek di fim nɔ gri fɔ lod.

  • Kwɛstyɔn Bɔks
  • Wi Kiŋdɔm Ministri—2014
  • Buk ɛn Ɔda Tin dɛn fɔ Dis Sem Dɔkyumɛnt
  • Aw Yu Famili Go Gɛt Gladi-At?​—Pat 2
    Ɛnjɔy Layf Sote Go!—Yu Go Bɛnifit we Yu Stɔdi di Baybul
  • Mama ɛn Papa dɛn, Una Ɛp Una Pikin dɛn fɔ Lɛk Jiova
    Di Wachtawa De Tɔk bɔt Jiova in Kiŋdɔm (Stɔdi)—2022
  • Mama ɛn Papa dɛn, Una Tren Una Pikin dɛn fɔ Lɛk Jiova
    Di Wachtawa De Tɔk bɔt Jiova in Kiŋdɔm—2019
  • Mama ɛn papa dɛn, Una Ɛp Una Pikin dɛn fɔ Gɛt Fet
    Di Wachtawa De Tɔk bɔt Jiova in Kiŋdɔm—2016
Rid ɔda wan dɛn
Wi Kiŋdɔm Ministri—2014
km 5/14 p. 3

Kwɛstyɔn Bɔks

◼ Wetin Pikin dɛn fɔ Lan we Go Ɛp dɛn fɔ Go Bifo Pan Gɔd in Wok?

Mama ɛn papa dɛn kin du ɔl wetin dɛn ebul fɔ mek dɛn tich dɛn pikin dɛn bɔt Jiova, ɛn “fɔ gi dɛn Kristiɛn trenin.” (Ɛfi. 6:4) Fɔ ɛgzampul, dɛn dɔn si se di pikin dɛn kin bɛnifit we dɛn ɔl de du di deli tɛks ɛvri mɔnin. We famili dɛn de du dɛn famili wɔship ɔ ɛni ɔda tɛm, dɛn kin wach wi vidio dɛn ɛn tɔk bɔt am we dɛn dɔn ɔ tɔk bɔt sɔntin we de na Young People Ask. Dɛn kin rid stori dɛn na di Baybul ɛn mek lɛk di wan dɛn we dɛn rid bɔt na di stori. Dɛn kin ivin lan aw fɔ prich. Bɔt fɔ mek pikin “go bifo ɛn lan dɛn tin we bigman fɔ lan bɔt Krays,” mama ɛn papa dɛn fɔ tich dɛn fɔ no mɔ.—Ibru 6:1.

Tink bɔt wetin wi kin tich pipul dɛn na fil savis. Di fɔs tɛm we wi go mit pɔsin ɔ we wi go bak to am, wi kin tray fɔ yuz di buk we nem Wetin Rili Di Baybul De Tich? fɔ stat Baybul stɔdi wit am. We wi dɔn fɔ stɔdi pɔsin dis buk, wi kin yuz ɔda wan we nem Kɔntinyu fɔ Du Wetin Go Mek Gɔd Lɛk Yu. Wetin du? Di Baybul Tich buk de sho di pɔsin di fɔs tin dɛn we i nid fɔ no bɔt di Baybul. Di Gɔd Lɛk yu buk de ɛp pipul dɛn fɔ du wetin di Baybul se pan ɛnitin we dɛn de du. We pɔsin stɔdi dɛn tu buk ya, dat kin ɛp di pɔsin fɔ “fasin” pan Krays ɛn mek am di ‘fawndeshɔn na in layf.’ (Kɔl. 2:6, 7) Yu nɔ tink se dɛn tu buk ya go bɛnifit wi pikin dɛn? Dɛn fɔ no bɔt di day we Jizɔs kam day fɔ mɔtalman, di Kiŋdɔm, ɛn wetin de apin to pɔsin we i day. Pikin dɛn fɔ no bak wetin mek Gɔd de alaw wi fɔ sɔfa ɛn dɛn fɔ no di tin dɛn we go apin we di wɔl want dɔn. Dɛn fɔ biliv gud wan se na Jiova Witnɛs dɛn de tich di tru. Dɛn yɔŋ wan dɛn sɛf nid fɔ ɔndastand wetin di Baybul se ɛn dɛn fɔ lan aw fɔ no “wetin gud ɛn wetin bad.” (Ibru 5:14) Mama ɛn papa fɔ tink bɔt dɛn pikin dɛn ej ɛn wetin dɛn go ebul fɔ ɔndastand. Bɔt sɔm pikin dɛn de we kin ebul ɔndastand dip tin dɛn na di Baybul.—Lyuk 2:42, 46, 47.

Fɔ ɛp mama ɛn papa dɛn fɔ stɔdi dɛn pikin dɛn, sɔm tin dɛn gɛt fɔ de kam na di jw.org we dɛn pul na di Baybul Tich buk. Di famili kin luk na di wɛbsayt ɔnda di say we se BIBLE TEACHINGS > TEENAGERS. Leta dɛn go pul ɔda tin dɛn na di Gɔd Lɛk Yu buk fɔ yuz fɔ ɛp stɔdi di pikin dɛn. But wi kin stil yuz di wan we dɛn dɔn print fɔ tich dɛn. Mama ɛn papa dɛn fɔ disayd if dɛn go yuz dɛn tin ya we dɛn de du dɛn Famili Wɔship, ɔ we dɛn de stɔdi wan pan di pikin dɛn, ɔ we dɛn de lan di pikin fɔ du pasɔnal stɔdi.

    Krio Buk, Magazin, ɛn Ɔda Tin Dɛn (2010-2025)
    Lɔg Awt
    Lɔg In
    • Krio
    • Sɛn
    • Arenj am di we aw yu want
    • Copyright © 2025 Watch Tower Bible and Tract Society of Pennsylvania
    • Wetin Yu Fɔ No Bifo Yu Yuz Dis Wɛbsayt?
    • Prayvesi Pɔlisi
    • Prayvesi Sɛtin Dɛn
    • JW.ORG
    • Lɔg In
    Sɛn