3 Okoŋ mi Muuse dimul Isɔluɛiya aa: “La loonuŋ a paaleŋ ndeŋ, kanifuule la wa o chɛleŋ niŋ o lɛŋnde Ichipi leŋ ndeŋ niŋ,+ mi Chɛhowa soli nya nanuŋ a ba ndɔ kpaaya bɛndoo.+ Lelaŋ, nyɛ o nyɛ nɔ yiisiiyo* leniŋ, la dia ndu le.

8 Nduyɛ o paale leŋ choo, la nɔ mi la dimul puaa nyaa aa, ‘Le loonɔŋndo a mɛɛ Chɛhowa piŋi naa, mbo soli naa o lɛŋnde Ichipi leŋ niŋ yɛ naŋ cho hei tosaa ni.’+

9 “Nyɛ nya nɔ le tosaa kinɛiyo cho ni maa, la nɔ mi la wa yekeŋ, nduyɛ mi la mandaŋ, yɔŋii nya puɛɛnuŋ sɔɔŋ nya che woŋ, nduyɛ mi kɔlta nyalaŋ la faŋaŋ o muŋ choo o yoomu nyaa niŋ kpou. La nɔ vɛlɛ mi la pɛɛku chuauwaa nyaa a chuauwaa nyaa mamaa sɔɔŋ muŋ.+

20 “Te chuauwaa nyaa huŋ nyuna nya pɛ o chilaŋ niŋ aa, ‘Yɛɛnɛ loonɔŋndaŋ, sawalaŋ ndaŋ, a nyɛ o nyɛ Chɛhowa Mɛlɛka naa dimul nya le tosaa wo sim yɛ?’ 21 la dimul nda aa, ‘Ŋ wa o chɛleŋ niŋ Feloo o ba bɛŋgu o lɛŋnde Ichipi leŋ niŋ, kɛ mi Chɛhowa soli naa loŋ a kpaaya ndɔ bɛndoo. 22 Miŋ cha mi Chɛhowa tosa kaamaalaŋ a sɔɔŋ kɔndɔfiliŋ bɛndoŋ, miŋ saaŋgiaa waŋnda Ichipi,+ Feloo, a wana o wana wa o yuŋgu ndɔɔ niŋ.+