18 “Dimul Elɔŋ, puaa nduaa, a Isɔluɛiya kpou aa, ‘Te Isɔluɛinɔɔ ɔɔ mial cho nya tɛɛŋ ndo wa pɛ sala luamaa solioo+ o ya Chɛhowa lo le buŋgɛi o chua ve peeloo, ɔɔ sala o kɛɛsiaŋ o kɔl le solioo wo,+ 19 o nɔ mbo hɛli nau towa kɛndɛ kɛndɔɔ,+ saa konduaa fɔŋnduaa, ɔɔ chuiŋnda o chɔluaa nduaa tɛɛŋ, le mi ya Mɛlɛka hini kɔl a ndu. 20 Chɔlu kɛ kɛ nɔ namtaleŋ,+ o nɔ mbo soli ndu salaa le. Kanifuule, keŋ cho tosa I hini kɔl a ndu le.