26 Mbo chua beedii tiu tiu nda toosiaa maa ikela wo o pilɛ+ o kambɛi beedii nɔ yiisii leniŋ te wo niŋ, o wa Chɛhowa lachi wo, beedii tiu tiu nda muuliaŋ kolo ndɔɔ a chuɛiyaŋ ndo,+ a beedii fɛɛdɛɛ wo. Mbo hɛɛnduu laŋ o buŋgaŋ machuɛiyoŋ a o lɔlu ba kɛndɔɔ choo.

28 Mi Muuse faŋa nda laŋ o ba, mbo handu laŋ o sala luamaa wa o bandu luamaa lasalaa choo wo, mbo luam. Sala nda hɛli waŋndo le waa wana soliaa lasalaa wo o wa ni, o nda luam o Chɛhowa lo, le mi chuŋ kɛndɔɔ komal ndu wo.

13 “‘Sawa cho a Naasiluɛinɔɔ okɔɔ wo cho hoo ni: Te teleŋ o nɔ le waa Naasiluɛinɔɔ wo chuu pɛ,+ a nɔ ma kuɛ a ndu o tɛndii bɔŋaŋndo sondoo.

19 Te o chii pɛ yiiŋii chɔm maa Naasiluɛinɔɔ o wa ni ve sendi, wana soliaa lasalaa nɔ mbo chua choŋgu saa piaandu nda yau wo,+ beedii nɔ yiisii leniŋ te wo o pilɛ, o nda toosiaa tiu tiu maa ikela mbo wa o kambɛiyo niŋndo, a beedii fɛɛdɛɛ nɔ yiisii leniŋ te wo, mbo ke Naasiluɛinɔɔ o ba.