10 “O chuuŋgiaŋnda nyala kɔl kɛndɛ laŋ choo,+ koŋ cho ni, o bɔŋaŋnda nyalaŋ+ a o paŋguŋ nyaŋ kandɔŋndo, la nɔ mi la hɔŋ bululaŋ te la wa pɛ salala luamaa laŋ+ a salala kɔl nyulu laŋ solioo.+ Bulula laŋ la cho tosa mi ya Mɛlɛka nyaa loonuŋ a nya. Ya cho Chɛhowa Mɛlɛka nyaa ni.”+

31 Teleŋ o teleŋ nda wa pɛ salala luamaa laŋ solioo o Chɛhowa lo o palɛi pɛŋgiɛi choo,+ bɔŋaŋnda paŋguŋ sɛnɛilaŋ,+ a bɔŋaŋnda yɛ yɛlaŋ o wɔsioo niŋ,+ mi ndaa sɔɔŋguu le malaa a mɛɛ kɛɛsiaa wa le ndi tosaa yɛ. Nduyɛ, mi ndaa tosa ndi teleŋ o teleŋ Chɛhowa o hɔl.

4 I cho chiɛiyo taŋgullo le diola Chɛhowa Mɛlɛka nuu, Okoŋ mi mal ndu chiɛi kalaa o ba. I cho wa nyɛm chuŋ kɛndɔŋ+ lomɔɔ ndu lachi, nduyɛ mi yɛɛmbuu ndu beediiyo* lachi,+ mi wa salala luamaa laŋ solioo idii a ichɔl,+ o Palɛi Pɛŋgiɛi choo,+ bɔŋaŋnda paŋguŋ sɛnɛilaŋ+ a o bɔŋaŋnda yɛ yɛlaŋ choo o wɔsioo niŋ+ le Chɛhowa Mɛlɛka nuu. Sawa cho le fɛɛŋ a fɛɛŋ le Isɔluɛiya wo o cho ni.

32 Miŋ chua vɛlɛ buŋgɛi i kala kala maa iwɔsi o iwɔsi, wana o wana cho siɛkɛlle tɛndaa leyaa* kpeŋgei i pilɛ yɔŋgu le walta cho tosaŋndo o chiɛi Mɛlɛka naa laŋ,+ 33 beedii* cho wa o yɔŋgaŋ o Mɛlɛka lo wo,+ salala ŋkulta soliŋ teleŋ o teleŋ ndaŋ,+ salala luamaala soliŋ teleŋ o teleŋ o Palɛi Pɛŋgiɛi choo+ a paŋguŋ sɛnɛiyoŋ ndaŋ,+ bɔŋaŋnda kɛɛsiaŋ le biinɔŋndo laŋ,+ salala diandaa laŋ, sala hakioo+ le mi Isɔluɛiya sɔla malɔɔ hakioo, a le wali o wali cho tosaŋndo o chiɛi Mɛlɛka naa.