31 “Pɛŋgula nyalaŋ la cho wa chɔŋ o Pee Siaŋa Mɛŋma Ihɛllo, kɔ o pee mɛŋma ihɛl Filitiaŋnda. Nduyɛ, mi la chɛŋ o pollo haaa o Pee Bɛndoo.*+ I cho wanaa cho o lɛŋnde leŋ niŋnda malɔɔ nya o ba, nduyɛ mi la tou nda nya lachi.+ 32 La nɔ mi la yii kpemaa a nda ɔɔ a mɛlɛkaa ndaa le.+ 33 La chɛl ma wa nya tɛɛŋ o lɛŋnde nyaleŋ niŋ te, yɔŋii nda tosa mi la tosa hakioo a ya. Te la sooluu mɛlɛkaa ndaa pɛ, keŋ cho wa yaŋɔɔleŋ le nya.”+

3 La nɔ mi la wa challe o nɔlaŋ niŋ nya ndaa le. La ke puaa ndaa chuaa nyaa laanduaa le, nduyɛ la chua chuaa ndaa laanduaa le puaa nyaa le.+ 4 Kanifuule, a cho tosa mi chuauwaa nyaa muliŋ mɛlɛkaa cheleŋnda sooluuwo,+ okoŋ mi Chɛhowa dɔɔnuŋ tumbe a nya o kala kala, nduyɛ mbo keleŋa nya basɔɔ tɛɛ.+

12 “Kɛ nduyɛ, te la muliŋ pɛ mi la holnuŋ wanaa lo o kaalaŋ ndaŋ niŋnda,+ okoŋ mi la wa challe o nɔlaŋ niŋ nya ndaa,+ nduyɛ mi la wa sɔɔŋ tosaa kpɔlɔkpɔlɔ a nda, 13 mɛɛ la sina pɛŋgu maa Chɛhowa Mɛlɛka nyaa hiu niŋ lachi a nda touwɔɔ le nya le.+ Nda wa niŋ yaŋɔɔleŋ le nya ni. Nduyɛ nyɛ nɛiyaa nda wa niŋ nya lueiyo wo, o wa niŋ ko mɛɛ nda wa nuaa waŋndo kɔɔ lɔɔ a kpatooleŋ+ ɔɔ mi yuɛi luɛi ndu o lehɔl lɛ. Lende nya lo niŋ ni haaa mi la chuu paku o lɛŋnde kɛndɛle Chɛhowa Mɛlɛka nyaa ke nya leŋ ndeŋ niŋ.

2 Kɛ nya bɛɛ, la yii kpema a wanaa cho o lɛŋndeŋ ndeŋ niŋnda le.+ Nduyɛ, la nɔ mi la pesi pesi bandula ndala luamaa lasalalaŋ.’+ Kɛ la tui ya diom te.+ Le yɛɛnɛ nya tosa yɛ lende? 3 Le saboo hoo ya dimi ni aa, ‘I cho nda touwɔɔ nya lachi le.+ A cho simnɔŋ yaŋɔɔleŋ le nya,+ nduyɛ ma vɛɛlu nya le mɛlɛkaa ndaa sooluuwo.’”+