12 “Te la tuei pɛ mi waŋndo dimi o chieeŋ nyaŋ bɛnduŋ Chɛhowa Mɛlɛka nyaa dimi le nya kioo woŋ niŋ i pilɛ aa, 13 ‘Puaa fonduaa apum nya tɛɛŋ chɛŋ, ma wa waŋnda kɔltaŋ mulioo o chiee nda bɛndoo niŋ ma dimi aa: “Ŋ kɔŋnuŋ miŋ piɛinuŋ mɛlɛkaa cheleŋnda,” mɛlɛkaa nya sina le wa,’ 14 la nyuuniaa a suɛi keŋ okɔɔ, nduyɛ mi la yaasiaa ndi nyɛkɛndɛi.+ Te i wa pɛ tonya maa suɛi wɔɔŋ waa lende yɔŋnuŋ nya tɛɛŋ, 15 la nɔ mi la diu diu wanaa cho o chiee koŋ niŋnda a muɛi faŋnde.+ La tɛɛmbuu nyɛ o nyɛ cho leniŋ, nduyɛ mi la diu diu chɔluaa cho loŋ nda kpou+ a muɛi faŋnde.