22 Okoŋ, mi Mɛlɛka tonyaa ke Siɛmaya,+ wana Mɛlɛka tonyaa yooŋgoo aa: 23 “Dimul Luihobowam po Sɔlɔmɔŋ ndo, masaa le Chuda a wanaa cho o kaale Chuda leŋ, a o kaale Bɛŋjamiŋ ndeŋ niŋnda, a waŋnda a tuaa kpou aa, 24 ‘Nyɛ Chɛhowa dimi wo cho hoo ni: “La kua le sɔŋgɔɔ a puaapiliaa nyaa Isɔluɛiya le. Wana o wana miiŋgu o ndu lo, kanifuule ya tosa ni mi suɛi hei yɔŋnuŋ.”’”+ Okoŋ ma tuɛi Chɛhowa diom, nduyɛ ma miiŋgu o la nda lo a mɛɛ Chɛhowa dimul nda yɛ.