• Sam 53:diomnda taselaŋ-6
    Baabuiyo-Hivioo le Chieeŋ Sɛnɛiyo

    • O wana sim lachi le chondei yo lo. A mɛɛ Mahalati* chomul lɛ. Masiki.* Chondii Deeve ve.

      53 Diɔmnda cho dimioo o kɔlta ndalaŋ niŋ aa:

      “Chɛhowa cho le.”+

      Sɔɔŋ lakafaŋ a sɔɔŋ wɔɔŋndoŋ kinɛi nda tosa ni.

      Wana o wana cho suɛi kɛndɛ tosa le.+

       2 Chɛhowa Mɛlɛka cho o choo choo niŋ, mbo wa chuauwaa ŋwaŋnda chiee mɛɛndaŋndo,+

      Le sinaa te wana pilɛ bɛɛ nɔ pɛ sinapɛŋgoo, ɔɔ mbo wa ndu nuuviaa.+

       3 Sɔɔŋ lakafaŋ kpu nda cho tosaa ni.

      Nda kpou mulul la kɔɔlaŋ.

      Wana o wana tosa suɛi kɛndɛ le,

      Wana pilɛ bɛɛ.+

       4 Baa wanaa dɛnɛ wɔɔŋnda o pilɛ bɛɛ biiyɔ bila le?

      A cho wanaa niaa nyɛpalaa tusioo choo, mɛɛ nda dia nuaa nyɛdiaa* yɛ,

      A piɛi o Chɛhowa lo le.+

       5 Siooŋii bɛndu bɛnduei cho nda biyɔɔ,

      Siooŋii biiyɔ nda kani bɛɛ le ve.*

      Kanifuule, Mɛlɛka cho paala wanaa chiŋalaŋ num nda sɛŋi.

      A cho nda siɔmbulaŋ tusi le mɛɛ Chɛhowa kɛɛ nda yɛ.

       6 Maa pioŋɔɔ fula Saayɔŋ le Isɔluɛiya fɔ!+

      Te Chɛhowa miŋgi pɛ wanaa nduaa nda kuɛ o biyɔɔ niŋnda chuuŋgiaa naapilɛ,

      Maa Chekɔpu dɔɔnuŋ nyaale, mi Isɔluɛi wa a kɔl kɛndɛ.

  • Luomaŋnda 3:10-12
    Baabuiyo-Hivioo le Chieeŋ Sɛnɛiyo

    • 10 A mɛɛ Yau Mɛlɛkaa dimi yɛ aa: “Wana sandaa cho le, o pilɛ bɛɛ cho le.+ 11 Wana o wana cho mbo nɔ sinapɛŋgoo le. Wana o wana cho mbo wa Mɛlɛka nuuviaa le. 12 Waŋnda chieeya kpou mulul ndu kɔɔ. Nda kpou simnuŋ wanaa fondo fuu. Wana o wana cho mbo tosa suɛi kɛndɛ le, o pilɛ bɛɛ cho le.”+