53 Le mɛɛ yaamɔɔwaa nyaa cho nya nyɛkindilaa kala kalaa tusi choo teleŋ nya cho wa o piŋndo niŋndo yɛ, la cho chuauwaa nyaa dio, puaa nyaa, a chuaa nyaa laanduaa+ Chɛhowa Mɛlɛka nyaa ke nya wa.

54 “Wana pɔnɔ sul sul bɛndoo mbo nɔ kɛndɛi nya tɛɛŋ ndo bɛɛ, o nɔ niŋ inyiɛɛ le bɛ ndɔ ɔɔ pɔmbɔ ndɔ ɔɔ laa ndɔ kaalaa ɔɔ chuauwaa nduaa cho lo yoomu wa le. 55 Nduyɛ, o ke niŋ nda visiŋ puaa nduaa o cho wa dioo woŋ te. Kanifuule, o nɔ lɛ niŋ nyɛ o nyɛ diaa cheleŋ te. Le mɛɛ yaamɔɔwaa nyaa cho nya luei o piŋndo niŋ, ma tusi nya nyɛkindilaa kala kalaa choo yɛ hei cho yɔŋnɔŋ ni.+ 56 Wana lanɔ sul sul bɛndoo mbo nɔ kɛndɛi nya tɛɛŋ, nduyɛ le mɛɛ o cho wana sɔvɛ yɛ,+ o chɛl le pelei tusioo lɛŋ te wo, o chɔm niŋ inyiɛɛ le pɔnɔ ndɔ kaalaa, po ndɔɔ, ɔɔ chua ndɔɔ le. 57 Nduyɛ te o velu pɛ sɛnɛi, o cho kɔɔlima fula ndu niŋndaŋ dio latulu a chuauwaa o vialu niŋnda. Le mɛɛ yaamɔɔwaa nyaa cho nya nyɛkindilaa kala kalaa tusi choo, teleŋ nya cho wa o piŋndo niŋ o chieeŋ nyaŋ bɛndoŋ niŋndo yɛ hei cho yɔŋnɔŋ ni.

3 O paŋgii hiɔɔluei niŋ malɔ le ŋɔmahiɔɔlu, mi yima bɛnduaŋ ma bii waŋnda+ o chioo niŋ, nduyɛ nyɛdiaa o nyɛdiaa ve lɛ nda o ba o lɛŋndeŋ niŋ te.+ 4 Chioo wa o piŋndo niŋ, mi Kaadiaŋnda pial kpakioo+ a nyumndaŋ. Kɛ mi puaa chɔuwa kpou keeku o dio wa o kpakila tiɔɔŋnda wa o kpele masaa ikɛi laŋ, ma nyaanuŋ. Nduyɛ, mi masaa nyaanuŋ o nɛi kuɛ Aluaba wo.+ 5 Kɛ mi puaa chɔuwaa Kaadiaŋnda tisa masaa kɔɔli, nduyɛ ma kɔ bii ndu o pollo niŋ Chɛluiko. Okoŋ, mi puaa nduaa chɔuwa kpou mɛi ndu ma nyaanuŋ. 6 Mɛɛ nda bii masaa,+ ma kua a ndu o masaa le Babilɔŋ ndo Luibila, okoŋ ma kilul ndu yamɛi. 7 Ma dii puaa Sɛdikaya wa ndu o hɔl, nduyɛ mi Nɛbukanɛɛsa pesi ndu hɔltaŋ, mbo wou ndu o kpiɔɔ, o nda toosiaa a chiliŋii siaŋɛi yo,* mbo kua a ndu Babilɔŋ.+

16 Okoŋ mbo dimul la aa: “Po wanachioo, I cho tosa mi nyɛdiaa dɔɔnaŋ Chulusalɛm.+ Tuuwo nda cho wa nyɛdiaa nda cho wa dioo wo ni,+ nduyɛ a wa niŋ ndu dioo o buulaŋ bɛndoo niŋ. Mɛŋma nda cho wa kolɔɔ waŋ bɛɛ, tuuwo nda cho wa maŋ ni.+