18 Mi wana bɛndu wanaa manda masaa wa kua vɛlɛ a Sɛluiya+ masa wanaa soliaa lasalaa, Sɛfanaya+ wana soliaa lasala diiŋ ndɔɔ, a waŋnda a yaa, a ndaa manda diolaŋ nda.+ 19 Mbo kua vɛlɛ a wana pilɛ o wa o chiɛi lemasaa niŋ mbo wa puaa chɔuwa bolleŋ ndo, masaa chaaŋaa nduaa kpɛɛluŋnda a ŋuɛɛnu a o saaluŋ o chioo niŋnda, wana poonyiaa le wana wa puaa chɔuwa bolleŋ ndo, o ndoo yooŋgu puaa chɔuwa o lɛŋnde leŋ niŋ le kɔlaŋ o chɔuwo wo, a puaa cheleŋ o saaluŋ o chioo niŋnda ŋwaŋ 60. 20 Mi Nɛbusaluadaŋ+ wana bɛndu wanaa manda masaa wa chua nda, mbo kua a nda o masaa le Babilɔŋ ndo Luibila.+ 21 Mi masaa le Babilɔŋ diu diu nda Luibila o lɛŋnde Hamaati leŋ niŋ.+ Mɛɛ nuaa nda looku waŋnda Chuda faŋa o lɛŋnde ndaleŋ niŋ ni ma kua a nda o biyɔɔ niŋ.+