Nɔmbaa

17 Okoŋ mi Chɛhowa dimul Muuse aa: 2 “Dimul Isɔluɛiya le mi yuŋgu lebol kɛ kɛ ke num tindaa o pilɛ.+ Kpou kpou tindalaŋ 12. Nduyɛ, ma poonyiaa diola yuŋgu lebol kɛ kɛ o tinda ndɔɔ choo. 3 Poonyiaa diola Elɔŋ ndaŋ o tinda Livai yo choo. Kanifuule, tindaa o pilɛ cho wa le yuŋgu lebol kɛ kɛ ni. 4 Kɔ kɛsi tindalaŋ ndaŋ o tɛndii bɔŋaŋndo niŋ Kɔfu laSawaa lachi,+ naa ya chɔɔmuŋ nya teleŋ o teleŋ nda.+ 5 Nduyɛ wana tinda ndɔɔ cho pui yo, mɛɛ ndu ya hɛli ni.+ I cho tosa mi Isɔluɛiya pɛŋgi ŋɔɔchiaŋndo a ya,+ vɛlɛ a ŋɔɔchiaŋ nda cho a nya wo.”+

6 Okoŋ, mi Muuse dimul Isɔluɛiya, nduyɛ mi yuŋgula leboltaŋ kpou la ke ndu tindalaŋ. Yuŋgu lebol kɛ kɛ tindaa o pilɛ. Kpou kpou tindalaŋ 12. Nduyɛ, tinda Elɔŋ ndo wa o tindala ndalaŋ tɛɛŋ. 7 Okoŋ, mi Muuse kɔ kɛsi tindalaŋ Chɛhowa lachi, o tɛndii Kɔfu laSawaa niŋ.

8 Diimandɔɔ, mɛɛ Muuse luɛi o tɛndii Kɔfu laSawaa niŋ, mbo cha maa tinda Elɔŋ ndo pui, mbo yandu, nduyɛ mbo soli peeŋgelaŋ. Amɔŋma diuwaŋ ma wa vɛlɛ lechoo. Elɔŋ yɛ, o kaale Livai leŋ choo o fula ni. 9 Okoŋ mi Muuse faŋa tindalaŋ Chɛhowa lachi, mbo soli laŋ o bɛɛ Isɔluɛiya kpou o hɔl. Mɛɛ nda mɛɛndaŋ ndaŋ, mi wana o wana chua o ndɔɔ.

10 Okoŋ kɔɔli, mi Chɛhowa dimul Muuse aa: “Miŋgi tinda Elɔŋ ndo+ o Kɔfu Kpemaa lachi, mbo wa loŋ maa tamasi+ le puaa nilakaluaa,+ le halikpeŋ ma pɛŋgi ŋɔɔchiaŋndo a ya, yɔŋii nda sɔla piɔmndo.” 11 O lepilɛ niŋ kpe, mi Muuse tosa mɛɛ Chɛhowa dimul ndu yɛ. Mbo tosa lende kinɛi.

12 Okoŋ mi Isɔluɛiya dimul Muuse aa: “Ŋ cho wu. Ŋ nɔ le tambei sɔlaa. Naa kpou cho tambei sɔla! 13 Wana o wana sɔɔŋguu pɛ tɛndii Chɛhowa wo ikɛi, o cho wu!+ Baa miŋ lo wuoo nuaa miŋ chuu?”+