Sam
O wana sim lachi le chondei yo lo. Le ndi solioo a nyɛm chaaŋ iyooŋ. Chondii Deeve ve.
67 Mɛlɛka cho naa nyiɛɛye tuiinɔŋ, mbo dɔu naa sala.
O cho naa nyɛ teŋgaa hɔlaa nduaa handɔɔ choo,+ (Sila)
2 Le mi waŋnda o lɛŋndeŋ choo kpou sina a nɛila ndɔlaŋ okɔɔ,+
Nduyɛ mi waŋnda o kaalaŋ niŋ kpou sina a walta ndɔla piŋiaa laŋ okɔɔ.+
3 Oo Mɛlɛka, maa waŋnda kpou saŋgala num fɔ!
Maa waŋnda kpou saŋgala num.
4 Maa kaalaŋ la dɔɔnuŋ nyaale, nduyɛ mi la deŋi choo choo a kɔl kɛndɛ,+
Kanifuule a tosa niŋ lakafa o waŋnda yamɛi kilullo niŋ te.+
A cho kaalaŋ o lɛŋndeŋ choo kpou nɛiyo chɔm. (Sila)
5 Oo Mɛlɛka, maa waŋnda kpou saŋgala num fɔ!
Maa waŋnda kpou saŋgala num.