Sam
135 La saŋgala Chɛhowa!*
La saŋgala diola Chɛhowa laŋ.
Nya buɛiyaa Chɛhowa wa, la saŋgala ndu.+
2 Nya cho isisi o chiɛi Chɛhowa wo niŋ,
O luŋnda chiɛi Mɛlɛka naa wa, la saŋgala ndu.+
3 La saŋgala Chɛhowa, kanifuule Chɛhowa cho wana kɛndɛ.+
La soli chondoŋ* le diola ndɔlaŋ saŋgalaa, kanifuule hei cho suɛi kɛndɛ.
4 Chɛhowa hɛli Chekɔpu le ndupila.
O siiŋguu Isɔluɛi nyɛm kɛŋ ndɔŋ teŋgeŋndoŋ.+
5 I sina kɛsɛ maa Chɛhowa nɔ kpaayaa.
Masanɔ naa nɔ kpaayaa mbo hiau mɛlɛkaa cheleŋnda kpou.+
6 Nyɛ o nyɛ Chɛhowa yeema pɛ le tosaa+
O choo choo niŋ, o lɛŋndeŋ choo, o pee mɛŋma ihɛllo niŋ, vɛlɛ a fondaŋnda yiŋgilɛilaŋ o peelo kpou, tosaa o tosa ni.
7 Mbo tosa mi haŋgullo chɛŋ ba o ba fee o lɛŋndeŋ choo, mbo hel choo choo.
Mbo tosa mi nyɛ ŋualalɛiyo kiolu le mi piɔɔ sia.
Mbo soli hueiye o fondaŋnda o kɛsi ndi laŋ.+
8 Mbo diu puaa tasiaa,
A chɔluaa piaanduaa tasiaa kpou o Ichipi niŋ.+
9 Mbo tosa kaamaalaŋ a sɔɔŋ kɔndɔfilloŋ o Ichipi niŋ,+
Le Feloo a buɛiyaa nduaa kpou nyɛpalaa tusioo choo.+
10 Mbo tɛɛmbuu lɛŋii bɔɔbɔɔ,+
Nduyɛ mbo diu masaa kpaayaa bɛnduaa,+
11 Saihɔŋ masa Amɔluaitiiya,+
Ɔku masaa le Baasiaŋ,+
Vɛlɛ a masɛi kpou o lɛŋnde Kenaŋ ndeŋ niŋ.
12 Mbo chua lɛŋii ndɛi mbo ke wanaa nduaa,
Nda cho yɛ Isɔluɛiya ni, le mi i wa nyɛm kɛŋ ndaŋ.+
13 Oo Chɛhowa, diola numndaŋ la cho wa le fɛɛŋ a fɛɛŋ.
Oo Chɛhowa, tɔɔ numndo cho wa le fɛɛŋ a fɛɛŋ.+
15 Piɔmaa waŋnda o lɛŋnde niŋ nɔ wa,
Wanachioo toosiaa nda a laba ni. A kanii humbuei vɛlɛ a kooliiye o toosiaa nda ni.+
16 A nɔ sondoo, kɛ a nɔla ma soo le.+
A nɔ hɔltaŋ, kɛ a nɔla ma che le.
17 A nɔ nilaŋ, kɛ a nɔla ma tuei le.
Hueiyii yoomɛi kɛ kɛ fula nda o lasondo le.+
19 Nya waŋnda Isɔluɛi, la saŋgala Chɛhowa.
Nya waŋnda o yuŋgu Elɔŋ ndo choo, la saŋgala Chɛhowa.
20 Nya waŋnda o yuŋgu Livaiyo choo, la saŋgala Chɛhowa.+
Nya nɔ siooŋii Chɛhowa ve wa, la saŋgala Chɛhowa.
La saŋgala Chɛhowa!+