Sam
43 Oo Mɛlɛka, kilul la yamɛi.+
Suŋgu le ya,+ ma chiŋalaŋ kaale kɛɛ le lo lechoo wo chɔmndo o numndo leŋ.
Piŋi ya wana lachoowaa a wana cho sakpo le wo o ba.
2 Num cho Mɛlɛka nuu a naa niaa viaŋnaŋaa kala kalaa ni.+
Le yɛɛnɛ ŋ mallɛ ya?
Le yɛɛnɛ mi wa kelaa a kɔl tambɛiyo le mɛɛ yaamɔɔnɔ nuu tusi ya nyɛpalaa choo yɛ?+
3 Yɔŋ nyɛ teŋgaa numndo a tonya numndo.+
Maa la chɔm ya nɛiyo.+
Maa la sim ya lachi le kɔlaŋ o pembii num ii diandɛi a o chiɛi num tɔɔma bɛndoo.+
4 Okoŋ mi kuɛ o bandu luamaa lasala Mɛlɛka nuu,+
O tosa mi dɔɔnuŋ nyaale tau tau wo.
Oo Mɛlɛka nuu, I cho num saŋgala a towaa.+
5 Le yɛɛnɛ mi wa o kɔl tambɛi bɛndoo hoo niŋ?
Le yɛɛnɛ kɔl nuu cho yɛ o saŋgaa niŋ?