Hoosiaa

3 Okoŋ kɔɔli, mi Chɛhowa dimul la aa: “Wana lanɔ mɛi num mi po cheleŋ kaala ndu, nduyɛ mbo wa suundaa a po koŋ ndo,+ chua ndu vɛlɛ maa laa num nduyɛ ma kaala ndu. Lende koni Chɛhowa kaala wɔ waŋnda Isɔluɛi ni,+ mi che bɛɛ a kɛɛ ndu ma muliŋ mɛlɛkaa lachoowaa sooluuwo,+ nduyɛ ma kaala kato nda toosiaa a kilepiima vesɛiyaŋ ndo.”

2 Okoŋ, mi kɔ piondu chua koŋ a kaniŋ humboŋ 15, a baliiyoŋ hɔmɛiyo cha a tɛndaa tɛɛŋ.* 3 Mi dimul ndu aa: “A cho wa mial ni le palɛi bɔɔbɔɔ. A nɔ ma suunda le,* nduyɛ a nɔ ma chɛl mi dɛnɛ keeku nya tɛɛŋ nya wana pɔnɔ cheleŋ te. Ya bɛɛ, dɛnɛ cho naa keeku tɛɛŋ naa num te.”

4 Kanifuule le teleŋ vilɛi,* waŋnda Isɔluɛi nɔ niŋ masa le,+ a nɔ niŋ masa ibuŋga le, a ve niŋ lasala soli le, a nɔ niŋ suŋgbuma soolaa le, a nɔ niŋ doma biŋgi* le,+ nduyɛ a nɔ niŋ piɔmaa leyuŋgu le.+ 5 Kɛ te teleŋ koŋ o hiou pɛ, waŋnda Isɔluɛi cho miiŋgu Chɛhowa Mɛlɛka ndaa o ibuŋ pila,+ nduyɛ ma nuuviaa masa ndaa Deeve.+ A cho hunɔɔ Chɛhowa lachi a siooŋnde le mbo dɔu nda sala o teleŋ lamɛɛloo niŋ.+