Sam
O wana sim lachi le chondei yo lo. A mɛɛ “Lili” chomul lɛ. Le loonɔŋndo. Chondii Asafi+ ve.
80 Oo wana mandaa lasaa Isɔluɛi,
Num cho hoo Choosɛ nɛiyo chɔmndo maa wana mandaa lasaa wo, yaŋ nilaŋ.+
2 Chɔm Ifiluem, Bɛŋjamiŋ,
A Manaasɛ kpaaya num bɛndoo.+
Huŋ ma piŋi naa.+
3 Oo Mɛlɛka, chɛl naa vɛlɛ.+
Mulul naa hɔlla le halikpeŋ ma piŋi naa.+
4 Oo Chɛhowa Mɛlɛka puaa chɔuwa, le vɛɛ kpɛ ŋ cho yɛ wa a tumboo a muli piɛile wanaa numnda le?+
5 A tosa mi mɛmɛma ndaŋ ma simnuŋ nyɛdiaa le nda,
Nduyɛ ma kol maŋ ma hiau ba.
6 A chɛl mi wanaa naŋ chiɛɛliaŋ nda chiŋalaŋ naa a sɛɛŋgiaŋndo,
Nduyɛ, mi yaamɔɔwaa naa wa hiouwɔɔ lachi a naa mamɔɔ mɛɛ nda yeema yɛ.+
7 Oo Mɛlɛka puaa chɔuwa, chɛl naa vɛlɛ.
Mulul naa hɔlla le halikpeŋ ma piŋi naa.+
9 Ma bɛɛndiaa fondaa le ndu,
Nduyɛ mi puunduŋ ndɔŋ luɛi lɛŋ, mbo tiu o lɛŋndeŋ choo.+
10 Mi wunduma nduaŋ ma kumbu pembuŋ bɛndoŋ kpu,
Okoŋ mi lɛuwuŋ ndɔŋ kumbu yɔmii sida Mɛlɛka tɔl le.
12 Kɛ le yɛɛnɛ ŋ pɛl lɛ kpaki lapou balu yɔm mafikiiyo wo,+
Le halikpeŋ mi wanaa cho hiouwɔɔ wa kendi komɔɔ ndɔɔ?+
13 Peuwaa yonduaa cho ndu tɛɛmbuuwo,
Nduyɛ mi visiaa yonduaa siiŋguu ndu nyɛdiaa nda.+
14 Oo Mɛlɛka puaa chɔuwa, yandii mulul naa hɔlla.
Lo o choo choo niŋ ma che nyɛ cho yɔŋnɔŋndo wo!
16 Yaamɔɔwa keŋ ndu ma mal ndu o yiŋ.+
Kɛ mɛɛ ŋ dɔɔnuŋ tumbe a nda, ma sɔla tambei.
17 Maa ba numndo manda po cho o ba num kɛndɔɔ choo wo,
Po wana pɔnɔ ŋ tosa mbo sɔla dialuŋ kalaŋ le numpila wo.+
18 Koŋ cho tosa ŋ mulul lɛ num kɔɔ le.
Manda yoomula naalaŋ, le halikpeŋ miŋ veelu diola numndaŋ.
19 Oo Chɛhowa, Mɛlɛka puaa chɔuwa, chɛl naa vɛlɛ.
Mulul naa hɔlla le halikpeŋ ma piŋi naa.+