Koloniko Diiŋ Ndɔɔ
7 Dimioo nuaa mi Sɔlɔmɔŋ chii piɛileŋ,+ mi yiŋndeŋ le fula choo choo,+ mi le huŋ lom sala luamaa vɛlɛ a salala cheleŋndaŋ. Nduyɛ mi paŋgele Chɛhowa wo tiu chiɛiniŋ silɔ.+ 2 Wanaa soliaa lasalaa ndaa tiuba ma luɛi o chiɛi Chɛhowa wo niŋ te. Kanifuule, paŋgele Chɛhowa wo wa o tiuwaa o chiɛi Chɛhowa wo niŋ silɔ.+ 3 Teleŋ yiŋndeŋ le fula choo choo nduyɛ mi paŋgele Chɛhowa wo tiu o chiɛiyo choo silɔ wo, waŋnda Isɔluɛi kpou wa tofaa, okoŋ ma baŋ wulaŋ, nduyɛ ma fuuluu hɔlla lɛŋ mɛɛ o fondaŋ nda toosiaa a poutaŋ ndo, ma mel Chɛhowa balikaa, “kanifuule o cho wana kɛndɛ, nduyɛ kaala lo lechoo ndɔɔ cho le fɛɛŋ a fɛɛŋ.”
4 Okoŋ, mi masaa a waŋnda kpou soli salalaŋ Chɛhowa lachi.+ 5 Mi Masaa Sɔlɔmɔŋ soli nauwa 22,000 a saa 120,000 salaa. Okoŋ, mi masaa a waŋnda kpou mal Mɛlɛka tonyaa chiɛiyo o ba.+ 6 Wanaa soliaa lasalaa wa isisi o fondaŋnda ndala waltaŋ, mi Livaiya bɛɛ wa isisi a nyɛm chaaŋ ndaa soliŋ kpeku le chondoŋ solioo o Chɛhowa lo woŋ.+ (Masaa Deeve toosiaa nyɛm chaaŋ muŋ ni le Chɛhowa balikaa mello, a le ndu saŋgalaa a nda* latulu, “kanifuule kaala lo lechoo ndɔɔ cho le fɛɛŋ a fɛɛŋ.”) Wanaa soliaa lasalaa wa bululaŋ hɔŋndo choo choo kpeleŋ+ nda lachi, nduyɛ Isɔluɛiya kpou wa isisi.
7 Mi Sɔlɔmɔŋ dindi luŋ wa chiɛi Chɛhowa wo lachi wo tɛɛŋ, le salala luamaa laŋ+ a chuɛima salala kɔl nyulu laŋ solioo. Kanifuule, bandu luamaa lasala o toosiaa a chiliŋii siaŋɛi yo*+ ve o bɔɔ le salala luamaa laŋ, salala ŋkultaŋ,+ vɛlɛ a chuɛiyaŋ solioo lechoo le.+ 8 A teleŋ koŋ, mi Sɔlɔmɔŋ bii bɔŋaŋndo latulu nda waŋnda Isɔluɛi kpou le palɛi i ŋɔmmɛu.+ Mi waŋnda faŋga bɛndoo chaŋ Lɛbo-Hamaati* haaa o Kpoloŋndo* Ichipi, ma huŋ.+ 9 Kɛ o paale ŋɔmaa leŋ choo, ma bii bɔŋaŋ bɛndoo.+ Kanifuule le palɛi i ŋɔmmɛu, ma bii bɔŋaŋndo le bandu luamaa lasalaa malɔɔ Mɛlɛka o ba, vɛlɛ a bɔŋaŋ laBafɛiyo le palɛi ŋɔmmɛu cheleŋ. 10 O paale 23 choo o paŋgii ŋɔmmɛu ve niŋ, mbo miŋgi waŋnda o la nda lo, nduyɛ a wa a kɔl kɛndɛ+ le sɔɔŋ kɛndɛŋ Chɛhowa tosal Deeve a Sɔlɔmɔŋ vɛlɛ a wanaa nduaa, Isɔluɛiya woŋ.+
11 Mɛɛ nuaa Sɔlɔmɔŋ chii chiɛi Chɛhowa wo vɛlɛ a chiɛi lemasaa taŋgul ni.+ Nyɛ o nyɛ hiŋ Sɔlɔmɔŋ o kɔl a chiɛi Chɛhowa wo okɔɔ vɛlɛ a chiɛi ndɔ ndupilaa, mbo sɔla batiuwaa o ndu tosaa niŋ.+ 12 Ichɔl pilɛ, mi Chɛhowa chɔɔmuŋ Sɔlɔmɔŋ.+ Mbo dimul ndu aa: “I tuei piɛile numndeŋ. Nduyɛ I hɛli fondaa hoo le yapila, le mbo wa chiɛi soliaa lasalaa.+ 13 Te I kiindiaa pɛ choo choo mi piɔɔ kɛɛ le siaa, nduyɛ mi dimul soonuaa ma tɛɛmbuu tɔlɔɔlaŋ o lɛŋndeŋ choo, ɔɔ mi yɔŋ naa taŋ waŋnda wo wanaa niaa tɛɛŋ, 14 te wanaa niaa diola nilaŋ la cho choo wa+ tusiŋ pɛ,+ ma piɛi o ya lo, ma nuuviaa ya, nduyɛ ma mulul yɔŋnda ndala wɔɔŋndaŋ kɔɔ,+ I cho lo o choo choo niŋ mi tuei piɛile ndalaŋ, mi mal nda haki, nduyɛ mi siŋgi lɛŋnde ndaleŋ.+ 15 Lelaŋ, hɔlte nileŋ le cho wa fondaa hoo choo, nduyɛ mi nila nilaŋ la wa yekeŋ o piɛile nya cho wa o fondaa hoo leŋ.+ 16 I hɛli chiɛiyo hoo, mi dindi ndu le mi diola nilaŋ la wa loŋ le fɛɛŋ a fɛɛŋ,+ nduyɛ mi hɔlte nileŋ a kɔl nuu wa ndu choo le teleŋ o teleŋ.+
17 “Lelaŋ num Sɔlɔmɔŋ, te a kela pɛ o nɛila nilaŋ choo maa Deeve finya num, ma tosa nyɛ o nyɛ ya dimul num, nduyɛ ma diikuŋ sawala nilaŋ,+ 18 I cho tosa mi kpeŋgbei* num lemasaa sim yi+ a mɛɛ ya yii kpemaa a Deeve finya num yɛ.+ Mi dimul ndu aa, ‘Le teleŋ o teleŋ, waŋndo cho wa ichali o kpeŋgbei lemasaa choo Isɔluɛi, fulaa o pulale numndeŋ choo.’+ 19 Kɛ te la mulul la pɛ kɔɔ nduyɛ mi la kɛɛ sawala nila ya ke nya laŋ tolɔɔ kɔɔli, okoŋ mi la muliŋ mɛlɛkaa cheleŋnda wulaŋ beŋndo le nda sooluuwo,+ 20 I cho waŋnda Isɔluɛi basɔɔ tɛɛ o lɛŋnde ya ke nda leŋ niŋ.+ Chiɛi ya hɛli hoo mi dindi ndu le diola nilaŋ ndo bɛɛ, I cho ndu faŋa ya o hɔl bau. I cho tosa mbo simnuŋ nyɛ wɔɔŋndo waŋnda kpou o hɔl, nduyɛ ma siiŋguu ndu nyɛ mamaa.+ 21 Chiɛi ŋ taŋgul hoo wo bɛɛ cho simnɔŋ bembelaŋ. Wana o wana wa pɛ keilaŋ ikɛi, kɔndɔfillo cho ndu biyɔɔ+ mbo dimi aa, ‘Le yɛɛnɛ Chɛhowa tosa yɛ hei a lɛŋndeŋ ndeŋ vɛlɛ a chiɛiyo hoo?’+ 22 Okoŋ kɔɔli ma dimi aa, ‘Le mɛɛ nda kɛɛ Chɛhowa,+ Mɛlɛka finyaa ndaa mamaa, o soli nda o lɛŋnde Ichipi leŋ niŋndo yɛ.+ Ma muliŋ mɛlɛkaa cheleŋ wulaŋ beŋndo nduyɛ ma sooluu nda.+ Le saboo hoo o tusi nda kpundɔɔ hoo kpou choo ni.’”+