Koloniko Tasoo

24 Wanaa fula o pulale Elɔŋ ndeŋ choo wa cho haa ni a kundala ndalaŋ. Puaa Elɔŋ velu wa cho haa ni: Nadabi, Abaihu,+ Ɛlieesa, a Itamaa.+ 2 Kɛ mi Nadabi nda Abaihu wu finya nda tase,+ nduyɛ a vilu po kɛ kɛ le. Ɛlieesa+ nda Itamaa yɛ, ma hiau lachi a wali wanaa soliaa lasalaa tosaa. 3 Mi Deeve nda Sadɔki,+ fulaa o yuŋgu Ɛlieesa wo choo, a Ahimɛlɛki, fulaa o yuŋgu Itamaa wo choo piɔu nda a kundalaŋ, ma ke nda walta nda nɔ ma tosa laŋ. 4 Le mɛɛ puaa Ɛlieesa wa ndaa nɔ bolii layuŋguei ma hiau puaa Itamaa wa yɛ, ma piɔu nda a mɛɛ nda wa yɛ. Puaa Ɛlieesa wa ndaa nɔ wanaa lebolla 16 o yuŋgula ndala leboltaŋ choo, nduyɛ puaa Itamaa wa ndaa nɔ wanaa lebolla a ŋɔmaa o yuŋgula ndala leboltaŋ choo.

5 Okoŋ kɔɔli, ma wuu kooŋ le puaa Ɛlieesa wa a puaa Itamaa wa piɔuwo.+ Kanifuule, simlachiaa wa o kundala tiɔɔŋ ndaŋ ndaŋ niŋ kpou. Simlachiaa haa apum wa wallo o fondaŋ diandaa, nduyɛ apum wa wali Mɛlɛka tonyaa tosaa. 6 Okoŋ mi Siɛmaya po Nɛtanɛɛ wo, wana poonyiaa le Livaiya poonyiaa diola ndalaŋ waŋnda haa lachi. Nda cho ni: masaa, laŋgbaa kalla, Sadɔki+ wana soliaa lasalaa, Ahimɛlɛki+ po Abiaata wo,+ vɛlɛ a bolii layuŋguei le wanaa soliaa lasalaa a le Livaiya. Ma hɛli yuŋgu lebollo o pilɛ le Ɛlieesa, nduyɛ ma hɛli vɛlɛ o pilɛ le Itamaa.

7 Mɛɛ nda wuu kooŋ, wana tase nda hɛli wo wa Chehowaluibi ni, wana diiŋ ndɔɔ Chɛdaya, 8 wana yaa ndɔɔ Haluim, wana hiɔɔloo Sɛholuim, 9 wana ŋuɛɛnoo Malikicha, wana ŋɔmpum ndo Michamiŋ, 10 wana ŋɔmmɛu wo Hakɔɔsi, wana ŋɔmaa wo Abaicha,+ 11 wana ŋɔmahiɔɔloo Chɛsuaa, wana tɔ wo Siɛkanaya, 12 wana 11 Iliaasibi, wana 12 Chakim, 13 wana 13 Hɔpa, wana 14 Chɛsɛbiabi, 14 wana 15 Bilika, wana 16 Imaa, 15 wana 17 Hisiɛɛ, wana 18 Hapisisɛɛ, 16 wana 19 Pɛtahaya, wana 20 Chɛhɛsikɛɛ, 17 wana 21 Chakiŋ, wana 22 Kemɔɔ, 18 wana 23 Dɛlaaya, wana 24 Maasaya.

19 Mɛɛ nuaa nda wa a kɔɔnaa le walta ndalaŋ tosaa+ o chiɛi Chɛhowa wo niŋ ni, a mɛɛ Elɔŋ finya nda mama ndoo kɛɛsiaa yɛ. Nduyɛ Chɛhowa, Mɛlɛka Isɔluɛiya ndoo dimul ndu lende ni.

20 Livaiyaa tuaa lo wa cho haa ni: Suba,+ fulaa o yuŋgu Amiluam ndo choo.+ Chɛdiiya, fulaa o yuŋgu Suba wo choo. 21 O yuŋgu Luɛhabiya wo choo,+ Isiaaya wa bolleŋ ni. 22 O yuŋgu Isiaaya wo choo, Siɛlomoti.+ O yuŋgu Siɛlomoti wo choo, Chahati. 23 O yuŋgu Hɛbulɔŋ ndo choo, Chɛluiya+ wa bolleŋ ni, Amaluiya wa wana diiŋ ndɔɔ ni, Chahasiɛɛ wa wana yaa ndɔɔ ni, nduyɛ Chɛkamiam wa wana hiɔɔloo ni. 24 O yuŋgu Yuusiɛɛ wo choo, Maika. O yuŋgu Maika wo choo, Siamɛɛ. 25 Maika yɛ, pɔmbɔ ndɔ wa Isiaaya ni. Nduyɛ o yuŋgu Isiaaya wo choo, Sɛkalaya wa bolleŋ ni.

26 O yuŋgu Meluali wo choo,+ Maali nda Musai. O yuŋgu Chaasaya wo choo, Bino. 27 Wanaa fula o yuŋgu Meluali wo choo wa cho haa ni: Chaasaya, Bino, Sioham, Sakɔɔ, a Ibilui. 28 Maali velu Ɛlieesa ni. Ɛlieesa yɛ, ndoo vilu po kɛ kɛ le.+ 29 O yuŋgu Kisi wo choo Chɛluamɛɛ fula ni. 30 Puaa fula o yuŋgu Musai yo choo wa cho haa ni: Maali, Ɛda, a Chɛluimɔti.

Puaa fula o yuŋgu Livai yo choo wa wa haa ni a yuŋgula ndala leboltaŋ. 31 Nda bɛɛ ma wuu kooŋ+ mɛɛ wanayaŋ ndaŋ, puaa Elɔŋ nda tosa yɛ. Nduyɛ Masaa Deeve, Sadɔki, Ahimɛlɛki, simlachiaa le yuŋgula wanaa soliaa lasalaa, a Livaiya o hɔl nda wuu muŋ ni. Kɛ a wanaa wa bolii layuŋguei ya okɔɔ ndu, kaasoŋnɔ ni, chuaambɔ ni, biyɔɔ pilɔɔ kpe ndaa bii nda ni.