Nɛhimaya

3 Mi Iliaasibi+ masa wanaa soliaa lasalaa, a wanayaŋ ndɔŋ cho wanaa soliaa lasalaa wa chaŋ ma taŋgul Dio Kpaki Saa Luɛiyo.+ Ma wou diola kpakioo hoo+ chɔŋ o Dio Kpaki Saa Luɛiyo mbo kua o Bandoo Miaa,+ haaa mbo fuuluu o Bandoo Hananɛɛ,+ nduyɛ ma mal ndu Mɛlɛka o ba. 2 Puaa Chɛluiko+ bɛɛ wa nda taŋgullo ikɛi, nduyɛ Sakɔɔ po Imili wo bɛɛ wa taŋgullo puaa Chɛluiko ikɛi.

3 Mi puaa Hasɛnaa wa taŋgul Dio Kpaki Suuwa,+ ma wou yɔmnde,+ diolaŋ, koŋjiiyoŋ, vɛlɛ a chiliŋndoŋ. 4 Meluimɔɔ,+ po Yuluaacha wo, po mama Hakɔɔsi wo bɛɛ wa fondaŋnda tambu laŋ bɛɛndiaa nda ikɛi. Mɛsiulam,+ po Bɛluakaya wo, po mama Mɛsiɛsabɛɛ wo bɛɛ wa fondaŋnda tambu laŋ miŋgioo bɛɛndiaa nda ikɛi. Sadɔki, po Baana wo bɛɛ wa fondaŋnda tambu laŋ miŋgioo bɛɛndiaa nda ikɛi. 5 Tɛkowaitiiya+ bɛɛ wa fondaŋnda tambu laŋ miŋgioo bɛɛndiaa nda ikɛi. Kɛ wanaa ndaa banaa tusiŋ ndapila toolo le ma tosa wallo hoo wanaa wa nda chilaŋ nda o ba bɛŋgu le.

6 Mi Chowaada po Paasiya wo, a Mɛsiulam po Bɛsodaya wo miŋgi Dio Kpaki Chiee Paandoo+ toosiaa. Ma wou yɔmnde, diolaŋ, koŋjiiyoŋ, a chiliŋndoŋ. 7 Mi Mɛlatiaa Kibiɔnaitiinɔɔ,+ a Chadɔŋ Mɛlonɔtaitiinɔɔ miŋgi fondaŋnda tambu laŋ bɛɛndiaa nda ikɛi. Puaa Kibiɔŋ a Misipa,+ masa ibuŋgaa o Pee Bɛndoo Leeloo* o ba bɛŋgu nda wa ni.+ 8 Mi Yuusiɛɛ po Haahaya wo, sumnɔ toosiaa kooliiyoŋ ndo miŋgi fondaŋnda tambu laŋ bɛɛndiaa nda ikɛi. Mi Hananaya, wana toosiaa chuɛima chuŋ kɛndiaŋ ndo bɛɛ miŋgi fondaŋnda tambu laŋ bɛɛndiaa ndu ikɛi. Ma yikpa Chulusalɛm leniŋ nyɛkɛndɛi* haaa ma fuuluu o Kpaki Bɛndoo.+ 9 Mi Luɛfayaa po Hɔɔ wo, masaa o pilɛ le tanda Chulusalɛm ndo o tiŋ, miŋgi fondaŋnda tambu laŋ bɛɛndiaa nda ikɛi. 10 Mi Chɛdaya po Halumafi wo miŋgi fondaŋnda tambu laŋ bɛɛndiaa nda ikɛi, o chiɛi ndɔɔ hɔlndɔ. Hatusi po Hasiabinɛya wo bɛɛ, mbo miŋgi fondaŋnda tambu laŋ bɛɛndiaa ndu ikɛi.

11 Mi Malikicha po Haluim ndo,+ a Hasiubi po Pahati-mowabi wo,+ miŋgi fondaŋ cheleŋ* tambu wo bɛɛndiaa, vɛlɛ a Bandu Mɛŋgɛlaa Cho o Fondaŋ Nda Luam Beediiyo* Wo.+ 12 Mi Sialum po Halohɛsi wo, masaa o pilɛ le tanda Chulusalɛm ndo o tiŋ, miŋgi fondaŋnda tambu laŋ bɛɛndiaa a chuauwaa nduaa laanduaa latulu nda ikɛi.

13 Mi Hanuŋ a waŋnda Sanowaa+ miŋgi Dio Kpaki Kpoloŋndo toosiaa.+ Mɛɛ nda toosiaa ndu, ma wou diolaŋ, koŋjiiyoŋ, a chiliŋndoŋ. Fondaŋ ndaa miŋgi bɛɛndiaa wo, ndoo wa le nɛiyo 1,460.* Nduyɛ ma kua a ndu bɛɛndiaa haaa o Dio Kpaki Sal Lapullo.+ 14 Mi Malikicha po Luechabi wo, masaa o pilɛ le tanda Bɛti-hakiluim ndo+ miŋgi Dio Kpaki Sal Lapullo bɛɛndiaa. Mɛɛ o toosiaa ndu, mbo wou diolaŋ, koŋjiiyoŋ, a chiliŋndoŋ.

15 Mi Sialuŋ po Kohoosɛ wo, masaa o pilɛ le tanda Misipa wo+ miŋgi Dio Kpaki Mamɛŋndo bɛɛndiaa.+ Mɛɛ o toosiaa ndu, mbo handu yindɔɔ lechoo, mbo wou diolaŋ, koŋjiiyoŋ, a chiliŋndoŋ. Mbo miŋgi vɛlɛ kpaki wa o Fondaŋ Mɛŋma Ibuŋgaŋ+ ma wa o Kpele Masaa Wo+ bɛɛndiaa, nduyɛ mbo kua a ndu haaa o Nɛi+ chɛŋ o Chiee Deeve Wo.+

16 Mi Nɛhimaya po Asibɔki wo, masaa o pilɛ le tanda Bɛti-sɔɔ wo o tiŋ+ miŋgi fondaŋnda tambu laŋ bɛɛndiaa ndu ikɛi, chɔŋ o Fondaŋ Deeve Toosiaa le Waŋnda Kumbɔɔ Wo hɔlndɔ,+ mbo kua a mɛŋma ibuŋgaŋ,+ haaa ma fuuluu o Chiɛi Puaa Dialuŋ Kalaa.

17 Mi Livaiya haa bɛɛ miŋgi fondaŋnda tambu laŋ bɛɛndiaa ndu ikɛi: Luɛhum po Bani wo, a wana wa ndu ikɛiyo Hasiabaya, masaa o pilɛ le tanda Kɛlaa wo o tiŋ.+ Mi ndu bɛɛ miŋgi fondaŋnda tambu laŋ bɛɛndiaa le tanda ndɔɔ. 18 Mi puaapiliaa ndaa haa bɛɛ miŋgi fondaŋnda tambu laŋ bɛɛndiaa ndu ikɛi: Bavai po Hɛnadadi wo, masaa o pilɛ le tanda Kɛlaa wo o tiŋ.

19 Mi Esɔ po Chɛsuaa wo,+ masaa o pilɛ le Misipa miŋgi fondaŋ cheleŋ bɛɛndiaa ndu ikɛi, o suŋgbuleŋ hɔlndɔ, o Fondaŋ Kɛsiaa Nyɛm Chɔuwoŋ.+

20 O faŋaŋndɔ o ndu kɔɔli, mi Baluki po Sabai yo+ tosa wallo hoo a dialuŋ fulaa, mbo miŋgi fondaŋ cheleŋ tambu wo bɛɛndiaa, chɔŋ o Suŋgbuleŋ haaa kɔ o chiɛi Iliaasibi wo hɔlndɔ,+ masa wanaa soliaa lasalaa.

21 Mi Meluimɔɔ+ po Yuluaacha wo, po mama Hakɔɔsi wo bɛɛ miŋgi fondaŋ cheleŋ tambu wo bɛɛndiaa ndu ikɛi, chɔŋ o chiɛi Iliaasibi wo hɔlndɔ haaa mbo kua naa chiɛiyo mɛɛlu wa kpeŋgei i pilɛi.

22 Mi wanaa soliaa lasalaa, puaa wa o tanda Chɔɔdaŋ ndo*+ niŋnda miŋgi fondaŋnda tambu laŋ bɛɛndiaa ndu ikɛi. 23 Mi Bɛŋjamiŋ a Hasiubi bɛɛ miŋgi fondaŋnda tambu laŋ bɛɛndiaa o chiɛi ndaa hɔlndɔ nda ikɛi. Mi Asaluaya po Maasɛya wo, po mama Ananaya wo bɛɛ miŋgi fondaŋnda tambu laŋ bɛɛndiaa nda ikɛi, o chiɛi ndɔɔ ikɛi. 24 Mi Binuaa po Hɛnadadi wo bɛɛ miŋgi fondaŋ cheleŋ tambu wo bɛɛndiaa, chɔŋ o chiɛi Asaluaya wo, mbo kua o Suŋgbuleŋ,+ haaa mbo kua o sɔŋgileŋ.

25 Mi Pelal po Yusai yo bɛɛ miŋgi fondaŋnda tambu laŋ bɛɛndiaa ndu ikɛi o Suŋgbuleŋ hɔlndɔ, a bandu mɛŋgɛlaa kuɛ o Chiɛi Masaa wo.+ Bandu mɛŋgɛlaa hoo wa o luŋ wanaa mɛŋgɛlaa.+ Pɛdaya po Palɔsi wo bɛɛ wa ndu ikɛi.+

26 Mi wanaa tosa wallo o chiɛi Mɛlɛkaa wa,*+ a wa ichali Ofɛɛ+ wa bɛɛ miŋgi fondaŋnda tambu laŋ bɛɛndiaa haaa o Dio Kpaki Mamɛŋndo hɔlndɔ+ ba paaleŋ le chaŋ ndo, nduyɛ mbo fuuluu o bandu vilɛiyo.

27 Mi Tɛkowaitiiya+ bɛɛ miŋgi vɛlɛ fondaŋ cheleŋ tambu wo bɛɛndiaa nda ikɛi, chɔŋ o bandu vilɛiyo hɔlndɔ haaa mbo kua o kpakioo Ofɛɛ.

28 Mi wanaa soliaa lasalaa o kɛ kɛ miŋgi fondaŋ tambu o chiɛi ndɔɔ hɔlndɔ wo bɛɛndiaa, kanduŋ o Dio Kpaki Suaa.+

29 Mi Sadɔki+ po Imaa wo miŋgi fondaŋnda tambu laŋ bɛɛndiaa nda ikɛi, o chiɛi ndɔɔ hɔlndɔ.

Nduyɛ mi Siɛmaya po Siɛkanaya wo, wana manda Dio Kpakioo Ba Paaleŋ le Chaŋ Ndo wo,+ miŋgi fondaŋ tambu wo bɛɛndiaa ndu ikɛi.

30 Mi Hananaya po Siɛlɛmaya wo, a Hanuŋ po ŋɔmpum ndɔ Salafi wo miŋgi fondaŋ cheleŋ tambu wo bɛɛndiaa ndu ikɛi.

Nduyɛ mi Mɛsiulam+ po Bɛluakaya wo bɛɛ miŋgi fondaŋ tambu wo bɛɛndiaa ndu ikɛi, o toŋgo ndɔɔ hɔlndɔ.

31 Mi Malikicha, sumnɔ toosiaa kooliiyoŋ ndo miŋgi fondaŋ tambu wo bɛɛndiaa ndu ikɛi, haaa mbo fuuluu o chiɛi wanaa tosa wallo o chiɛi Mɛlɛkaa wa*+ a wanaa tosa yulaleŋ nda, mbo kua o Dio Kpaki Nda Mɛɛndaŋ Waŋnda Wo, haaa mbo kua o naa chalaa o chiɛiyo choo o sɔŋgileŋ.

32 Chɔŋ naa chalaa o chiɛiyo choo o sɔŋgileŋ mbo kua o Dio Kpaki Saa Luɛiyo,+ sumaa toosiaa kooliiyoŋ nda a wanaa tosa yulaleŋ nda miŋgi fondaŋnda tambu laŋ bɛɛndiaa ni.