Sam
O wana sim lachi le chondei yo lo. A “Tɛɛmbuu Ya Le” okɔɔ. Chondii Asafi+ ve.
75 Ŋ mel num balikaa, Oo Mɛlɛka, ŋ mel num balikaa.
Diola numndaŋ la cho naa ikɛi,+
Nduyɛ waŋnda cho suɛi a walta numnda kɔndɔfiltaŋ okɔɔ.
2 A dimi aa: “Te I kɛsi pɛ teleŋndo,
I kilul waŋnda yamɛi o nɛi sakpoo choo.
3 Mɛɛ lɛŋndeŋ a wanaa cho leniŋ nda kpou sɔla tambei,
Ya tosa ni mi suŋgbuma nduaŋ ma lo isisi ma kala poŋ.” (Sila)
4 Mi dimul wanaa kialu yoŋgaa wa aa: “La kialu yoŋgaa le.”
Nduyɛ, mi dimul wanaa dɛnɛ wɔɔŋnda aa: “La pɛŋgi kpaaya nyaa chɔmndo.*
5 La pɛŋgi kpaaya nyaa chɔmndo choo choo pɔ,*
Ɔɔ suɛi a yoŋgaa.
6 Bɛɛle waŋndo sɔla leŋ,
O cho ba paaleŋ le chaŋ ndo, ba le del lo, ɔɔ ba tou wo le le fula le.
7 Mɛlɛka cho wana kialu yamɛi yo ni.+
Mbo tusi waŋndo hoo toolo, nduyɛ mbo heelu waŋndo o pilɔɔ.+
8 Taalaa cho Chɛhowa o ba,+
Mi hiiyo kinduŋ o muɛima nda muuliaŋ nyɛkɛndɛi yaŋ niŋ.
O cho maŋ tala,
Mi wanaa dɛnɛ wɔɔŋnda kpou o lɛŋndeŋ choo kol maŋ a kiiyo lebɛŋgu.”+
9 Kɛ le ya ndu, I cho wa suɛi a hei okɔɔ le fɛɛŋ a fɛɛŋ.
I cho chondoŋ soli* le Mɛlɛka Chekɔpu wo saŋgalaa.