Sam
O wana sim lachi le chondei yo lo. Chondii Deeve ve, le loonɔŋndo.
70 Oo Mɛlɛka, piŋi ya.
Oo Chɛhowa, mala ya chɔ chɔ.+
2 Maa wanaa cho ya nuuviaa le ya diyɔɔ wa,
Siɔmbulaŋ la tol nda ma tambu labɛɛ.
Maa wanaa duaunuŋ nyaale le kpundɛ komal la wo wa,
Miiŋgu amakɔɔ a siɔmbulaŋ.
3 Waŋnda cho ya dimullo aa: “A chaa! A chaa!”
Maa wanaa kaŋ miiŋgu amakɔɔ a siɔmbulaŋ.
4 Maa wanaa cho num nuuviaa wa dɔɔnuŋ nyaale,
Ma wuu kpeŋjoo.+
Maa wanaa kaala walta numnda piŋiaa laŋ nda dimi teleŋ o teleŋ aa:
“Maa Mɛlɛka sɔla saŋgalaa fɔ!”
Oo Chɛhowa, duaunuŋ tamala le.+
Kanifuule num cho wana ni malaa, a wana ni piŋiaa ni.+