Sam
113 La saŋgala Chɛhowa!*
Nya buɛiyaa Chɛhowa wa, la saŋgala ndu.
La saŋgala diola Chɛhowa laŋ.
2 Maa diola Chɛhowa laŋ la sɔla saŋgalaa
Chɔŋ a hau mbo kuɛ le fɛɛŋ a fɛɛŋ.+
3 Maa diola Chɛhowa laŋ la sɔla saŋgalaa,+
Chɔŋ ba paaleŋ le chaŋ ndo mbo kuɛ ba le del lo.
4 Chɛhowa nɔ kpaayaa mbo hiau waŋnda o kaalaŋ niŋ kpou.+
Naŋɔɔ ndɔɔ cho o bɛndu mbo hiau choo choo.+
5 O nɛɛnɛ cho yɛ maa Chɛhowa Mɛlɛka naa,+
O cho ichali filioŋ o kpeŋgbei* ndɔ lemasaa choo o choo choo niŋndo?
6 Mbo tunduŋ le mbo tofa choo choo vɛlɛ a lɛŋndeŋ,+
7 Mbo chua wana nɔ wana malaa le wo o chundoo niŋ mbo simi ndu.
Mbo soli wana bala fondoo o pultaŋ niŋ,*+
8 Le halikpeŋ mbo chal a laŋgbaa kalla latulu,
Laŋgbaa kalaa cho wanaa nduaa tɛɛŋ nda.
La saŋgala Chɛhowa!*