Sam
2 Masaa lelɛŋnda chɛŋ ma sim,
Mi laŋgbaa kalla kpou chuuŋgiaŋ diompilɛ,+
3 Ma dimi aa: “La ŋ kili kiliŋ yɔlɔŋ ndaŋ,
Miŋ viounuŋ yuei ndɛi!”
4 Wana cho ichali o kpeŋgbei* lemasaa choo o choo choo niŋndo cho nda mamɔɔ.
Chɛhowa cho nda mamɔɔ chiki chiki.
5 A teleŋ koŋ, o cho isɔɔ o nda lo a kɔl tuuwo,
Nduyɛ mbo luei nda siooŋnde a kɔl ndɔ tuu bɛndoo.
6 Mbo dimi aa: “Yapila hɛli masa nuu ni,+
Mi kɛsi ndu o kpeŋgbei lemasaa choo Saayɔŋ,+ pembii nii diandɛi.”
7 I cho yonda a nyɛ Chɛhowa kɛɛsiaa wo okɔɔ.
Mbo dimul la aa: “Num cho po nuu ni.+
I simnuŋ hau finya num.+
8 Te a nyuna ya pɛ, I cho num ke kaalaŋ mi la wa nyɛm kɛŋ num,
Nduyɛ mi ke num lɛŋndeŋ kpou mi le wa le num.+
10 Lelaŋ nya masaa waa, la chɔm sinapɛŋgoo.
Nya wanaa kialaa ŋyamaa o lɛŋndeŋ choo, la chɛl silaa.
11 La nɔ siooŋii Chɛhowa ve, nduyɛ mi la piɛi ndu.
La dɔɔnuŋ nyaale, nduyɛ mi la nyiiya ndu lachi a siooŋnde.
Kanifuule, mbo dɔɔnuŋ tumbe chɔ chɔ.
Kɔl kɛndɔɔ cho le wanaa huŋ o ndu lo le vioŋnɔŋndo wa kpou.