Sam
Chondii Deeve ve.
28 Oo Chɛhowa Pou Kpoowa nuu,+ num ya nyuna teleŋ o teleŋ le ya malaa ni.
A yandii meinuŋ ya le.
2 Te I heelu pɛ balaŋ kumbuii lumui cho o chiɛi numndo niŋ di ve,+
Nduyɛ mi chaŋ naa num chua le malaa, a yandii tuei ya diom.
3 Sasu ya latulu a wanaa dɛnɛ wɔɔŋnda, a cho sɔɔŋ kɔl vesɛiyoŋ tosaa wa le.+
Ma soo sɔɔŋ kɔl nyuloŋ o chaaŋaa ndaa lo, kɛ ma tuunuŋ sɔɔŋ dɛnɛ wɔɔŋndoŋ o kɔl le tosaa.+
4 Tusi nda nyɛpalaa choo le kuɛɛla ndalaŋ,+
Vɛlɛ a mɛɛ kpɛ dɛnɛ wɔɔŋ ndaa cho yɛ.
Tusi nda nyɛpalaa choo le nyɛ nda tosa a bala ndalaŋ ndo,
A mɛɛ kpɛ nda tosa ndu yɛ.+
O cho nda tɛɛmbuu, nduyɛ fɛɛŋ bɛɛ a cheŋ ndɛ niŋ te.
6 Maa Chɛhowa sɔla saŋgalaa,
Kanifuule o tuei piɛile ya wa o ndu lo le malaa leŋ.
7 Chɛhowa cho kpaaya nuu+ a boo ni chɔuwo ni.+
Ndu ya tiindaŋ a kɔl nuu kpou ni.+
I sɔla niŋ mala ndɔɔ, nduyɛ mi kɔl nuu duaunuŋ nyaale.
Lelaŋ, I cho ndu chondei solul le ndu saŋgalaa.
8 Chɛhowa cho kpaaya wanaa nduaa ni.
Ndu cho naa viaŋnaŋaa kala kalaa ni, nduyɛ mbo piŋi wana o pɔya wo.+
9 Piŋi wanaa numnda, nduyɛ ma dɔu nyɛm kɛŋ numndoŋ sala.+
Manda nda maa wana mandaa lasaa, ma kuɛ a nda o lachoŋgu le fɛɛŋ a fɛɛŋ.+