Ditɔnɔmii
33 Tuupa mi Muuse, wana Mɛlɛka tonyaa wu, diomnda o dimi le Isɔluɛiya salaa dɔwɔɔ laŋ la cho laŋ ni.+ 2 Mbo dimi aa:
“Mi Chɛhowa chɔɔmuŋ Isɔluɛiya o Pembii Sanaiye,+
Nduyɛ mi paŋgele ndɔɔ tiu nda choo naa nda wa Sɛyaa wa.
Mi paŋgele ndɔɔ tiu silɔ o tanda ŋpemboo Paluaŋ.+
Maalikɛiyaa nduaa waalaŋ o waalaŋ niŋ wa a ndu latulu,+
Mi kuubaa nduaa chɔuwa wa isisi o ba ndɔ kɛndɔɔ choo.+
3 Ndoo kaala wanaa nduaa.+
Nduyɛ wanaa ndaa diandaa kpou, a cho num o ba.+
6 Maa Lubɛŋ wa yoomu, o wu le fɔ.+
Nduyɛ maa puaa nduaa dɔɔnaŋ te fɔ.”+
7 Mbo duau vɛlɛ Chuda sala aa:+
“Oo Chɛhowa, maa tuei Chuda diom,+
Ma miŋgi ndu o wanaa nduaa lo fɔ.
Mbo manda* nyɛm ndɔŋ a kpaaya ndɔɔ.
Maa mala ndu yaamɔɔwaa nduaa chɔulaba fɔ.”+
8 Mbo dimi a Livai okɔɔ aa:+
Ma sɔŋga a ndu o mɛŋndaŋ Mɛluiba.+
9 Po dimul finya ndɔ a kala ndɔ aa, ‘I nɔ lebɛɛ le nya le’ wo.
Bɛndaa nduaa a pɔmbuaa nduaa bɛɛ, o sina nda le.+
Nduyɛ, mbo puɛɛnuŋ a puaa nduaa o velu wa.
Kanifuule, ma diikuŋ diom numndo,
Nduyɛ ma lo o kpema ŋ yii a nda wo choo.+
11 Oo Chɛhowa, dɔu ndu sala mbo sɔla kpaayaa,
Nduyɛ ma naŋ kɔl a walta o tosa laŋ.
Wanaa simul ndu wa, yimi nda peloŋ,*
Le halikpeŋ wanaa tul ndu leyɛ wa cheŋ ndɛ ma simul ndu le.”
12 Mbo dimi a Bɛŋjamiŋ okɔɔ aa:+
“Maa wana Chɛhowa kaala wo wa o manda ndɔɔ bɛŋgu fɔ.
Nduyɛ boondii o cho wa ndu mandaa paaleŋ kpɛŋ ndo,
O cho ndu wa o lachoŋgu.”
13 Mbo dimi a Choosɛ okɔɔ aa:+
“Maa Chɛhowa dɔu lɛŋnde ndɔleŋ sala+
A nyɛm kɛndɔŋ o choo choo niŋ.
Maa o dɔu leŋ sala a mɔmndo vɛlɛ a mɛŋma fula lɛŋ ndaŋ fɔ.+
14 Maa o dɔu leŋ sala a nyɛm kɛndɛŋ paaleŋ le tosa miŋ naŋ ndoŋ,
Nyɛm kɛndɛŋ kuam ipaŋgu o ipaŋgu woŋ.+
15 Maa o dɔu leŋ sala a nyɛm kɛndɛŋ fula o pembuŋ bɛnduŋ paandoŋ ndoŋ,*+
Nduyɛ a nyɛm kɛndɛŋ pembuŋ cho le fɛɛŋ a fɛɛŋ ndoŋ.
16 Maa o dɔu leŋ sala a nyɛm kɛndɛŋ cho ŋ piaa cha o lɛŋndeŋ choo woŋ,+
Nduyɛ mi wana cho ichali o bɔɔ leyiŋndo niŋndo chɛl.+
Maa salalaŋ ndaŋ la wa Choosɛ choo,
Wana nda hɛli bɛndaa nduaa a pɔmbɔ ndɔ tɛɛŋ ndo.+
17 Naŋɔɔ ndɔɔ cho ko maa nau towa tase nda kom ndo,
Nduyɛ leela ndɔlaŋ maa leela chiiyo la cho ni.
A laŋ o cho waŋnda nyindɔɔ* ni,
Mbo kuɛ a nda o lɛŋndeŋ mɛɛlulaŋ pɔ.
Puaa chɔuwaa Ifiluem nda cho waalaŋ o waalaŋ niŋ,+
Nduyɛ puaa chɔuwaa Manaasɛ wa cho o waalaŋ niŋ.”
18 Mbo dimi a Sɛbulɔŋ okɔɔ aa:+
“Oo Sɛbulɔŋ, maa dɔɔnuŋ nyaale te a fula pɛ,
Nduyɛ num Isaka, maa dɔɔnuŋ nyaale o tɛndiila numndaŋ niŋ.+
19 A cho waŋnda veelu o pembei choo.
A cho salalaŋ soli o sandei choo.
Kanifuule, a cho sullo kɔndɔɔ* o pee mɛŋma ihɛllo niŋ,
A o nyɛm baa kalaŋ cho ŋ viaŋaa o siooŋnde niŋndoŋ.”
20 Mbo dimi a Kaadi okɔɔ aa:+
“Salaa cho le wana chɔɔlu pɛŋgula Kaadi laŋ ndo.+
Kaadi cho ko mɛɛ kpɔkuŋndo wa nuaa ihini,
Mbo wa o bɛɛndiaŋ le visioo sɛɛsiaa balaŋ a bolleŋ yɛ.
Te wanaa cho waŋnda bolle wa chuuŋgiaŋ pɛ naapilɛ,
O cho tosa nyɛ cho sakpo Chɛhowa o hɔllo,
Nduyɛ mbo diikuŋ sawala o ke Isɔluɛiya laŋ.”
22 Mbo dimi a Daŋ okɔɔ aa:+
“Daŋ cho ko maa kpɔkuŋ chua.+
O cho huulu naa o cho Baasiaŋ nda.”+
23 Mbo dimi a Nafitalii okɔɔ aa:+
“Nafitalii hini kɔl a kɛndɛi Chɛhowa tosal ndu ve,
Vɛlɛ a sala o dɔu ndu tau wo.
Chua fondaŋ cho ba paaleŋ le del lo a ba tou wo wo.”
24 Mbo dimi a Asia okɔɔ aa:+
“Mɛlɛka dɔu Asia sala a chuauwa tau tau.
Maa bɛndaa nduaa a pɔmbuaa nduaa chɔ ndu nyina fɔ.
Maa o yiŋ* peluŋ ndɔŋ o chuɛiyaŋ niŋ fɔ.
25 Chiliŋnde a chiliŋii siaŋɛi ŋ cho wa diola kpakila numndaŋ kindaa ni.+
Nduyɛ o yoomu numndo niŋ kpou, a cho waŋnɔŋ hɛnɛkɛ.
26 Mɛlɛka o mɛlɛka cho maa Mɛlɛka tonya+ Chɛsulɔŋ ndo le.+
Mbo lo o choo choo niŋ mbo mala num.
Nduyɛ, o cho ichali o yumbu yumboo choo a naŋɔɔ ndɔ bɛndoo.+
27 Chɔŋ o sindɔɔ niŋ, Mɛlɛka cho fondaŋ viaŋnaŋndo ni.+
Bala ndɔla cho le fɛɛŋ a fɛɛŋ ndaŋ la cho num choo.+
28 Isɔluɛi cho waŋnɔŋ hɛnɛkɛ.
Sooŋ mamɛŋ Chekɔpu wo cho wa o mandaa bɛŋgu
O lɛŋnde nɔ kulloŋ a muɛima sɛnɛiyaŋ ndeŋ niŋ,+
Nduyɛ mɔmndo wa niŋ chɔnɔŋndo o halaa niŋ, mbo chuchu.+
29 Waŋnda Isɔluɛi, la dɔɔnuŋ nyaale!+
Ndu cho boo bɛndu manda nya wo ni,+
A muɛi faŋii nyɛi bɛnduei.