Sam
Chondii Deeve ve.
101 Oo Chɛhowa, I cho chondei soli a kaala lo lechoo wo okɔɔ vɛlɛ a sandei.
I cho chondei soli* le num saŋgalaa.
2 I cho sɔɔŋ tosa a taasi, tɔɔyaŋ o tɔɔyaŋ ve ya choo le.
Teleŋ kuɛɛ ŋ cho yɛ hunɔɔ naa ya chua?
O yɔŋ bɛɛ aa o ya lo chiɛiniŋ, I cho wa sɔɔŋ tosaa o nɛi sakpoo choo.+
3 I cho hɔlte nileŋ kɛsi o sɔɔŋ fondoŋ choo le.
I tul kaala wanaa faŋaŋ o nɛi sakpoo choo wa leyɛ.+
I nɔ nyɛ o nyɛ le tosa a nda le.
4 Kposoŋ bɛɛ I nɔ mako a wanaa tuunuŋ sɔɔŋ wɔɔŋndoŋ o kɔl la le.
I cho chɛlɔɔ* suɛi wɔɔŋnde le.
Wana o wana nɔ pɛ hɔlaa heelaa vɛlɛ a kɔl yoŋgaa,
I chɛl ndu le.
6 Wanaa cho sakpo o lɛŋndeŋ choo wa, hɔlte nileŋ le cho wa nda choo,
Le halikpeŋ ma wa a ya latulu.
Wana nɔ tɔɔyaŋ o tɔɔyaŋ te wo ya chɛl niŋ ni mbo tosa wallo le ya.
7 Wana o wana hui pɛ waŋnda, I chɛl ndu mbo wa o ya lo chiɛiniŋ te.
Nduyɛ wana dimi choolaŋ ndo, I chɛl ndu mbo fula ya o hɔl te.*