Aisaya
28 Kpundɔɔ cho le mɔsil lemasa* heelaŋ wanaa kolaa Ifiluem,+
Vɛlɛ a naŋɔɔ ndɔ kɛndɛ kɛndɛ cho maa lapeeŋge mbo wa faŋaŋndo lechoo wo.
Mɔsillo hoo wanaa cho o lɛŋnde kɛndɛ kɛndɛle cho o kpoloŋndo, mi muɛiyaŋ ma bii nda wa wounuŋ ni!
2 Chɛhowa nɔ waŋndo o nɔ kpaayaa a yoomuaŋ ndo.
O cho mɔsil lemasa koŋ tusi o lɛŋndeŋ choo,
Mɛɛ taŋndeŋ le huŋ nuaa a looŋ kpuŋgbaŋ a hueiyii tɛɛmbɛi wɔɔŋ wɔɔŋnde yɛ,
Vɛlɛ a mɛɛ piɔɔ kpaaya bɛndoo wa nuaa siaa mi taŋndaŋ ma wa deŋioo yɛ.
3 Mɔsilta lemasala heelaŋnda wanaa kolaa Ifiluem,
A cho laŋ hunɔɔ niɔu niɔu a ŋpelu.+
4 Nduyɛ naŋɔɔ ndɔ kɛndɛ kɛndɛ cho maa lapeeŋge mbo wa faŋaŋndo lechoo wo,
O wanaa cho o lɛŋnde kɛndɛ kɛndɛleŋ o kpoloŋndo wounuŋ o lebol lo,
Cho hunɔɔ simnɔŋ mɛɛ fikiima tasiaŋ ma wa nuaa a wɔɔleŋ yɛ.
Te waŋndo che leŋ ndɔɔ pɛ mbo kendi, mbo keleŋa leŋ miolɔɔ chɔ chɔ.
5 O paale leŋ choo, Chɛhowa, Mɛlɛka puaa chɔuwa cho simnɔŋ mɔsil lemasa tɔɔma bɛndoo, vɛlɛ a mɔsil kɛndɛ kɛndɛ nda toosiaa a bil lapeeŋgoo wo le wanaa nduaa cho lo wa.+ 6 Nduyɛ o cho tosa mi wanaa kialaa ŋyamaa wa yamaŋ kiolɔɔ o sandei choo. Wanaa manda dio kpakioo wa, ndu o ba nda sɔla niŋ kpaayaa ni le yaamɔɔwaa ndaa kuunaa hunɔɔ o dio kpakioo.+
7 Muɛiyaŋ ma tosa mi wanaa soliaa lasalaa a wanaa suaa le Mɛlɛka wa faŋaŋ o nɛi tonyaa choo.
Muɛima ndama nɛiyaa nɛiyaŋ ma tosa ma wa kɔlaŋ taŋgaŋ taŋgaŋ.
Muɛima kala kalaŋ ma faŋa nda o nɛi tonyaa choo.
Muɛiyaŋ ma hiŋ nda hɔlla,
Muɛima ndama nɛiyaŋ ma tosa ma wa kɔlaŋ taŋgaŋ taŋgaŋ.
Yilaŋuŋ ndaŋ tosa ma faŋaŋ o nɛi tonyaa choo,
Nduyɛ a cho boŋi boŋioo o yamaŋ kiolɔɔ niŋ.+
8 Kusioo tiu silɔ o tibiila* ndalaŋ choo.
O cho o tiuwaa ba o ba fee.
9 Mi nɛɛnɛ kpeekpei wana dimullɛ niŋ sɔɔŋ kɔl kaloŋ?
Nduyɛ, mi nɛɛnɛ kpeekpei wana tɛɛsiallɛ niŋ yooŋgoo?
Baa mbo wa wana nda laŋga soli milikiiyaŋ* o sondo wo,
Ɔɔ chɛlɛkpɛ nda laŋga soli mɛɛleŋ o sondo wo?
10 Kanifuule teleŋ o teleŋ mbo dimi aa: “Sawalaŋ o sawalaŋ niŋ, sawalaŋ o sawalaŋ niŋ,
Pulaleŋ a pulaleŋ, pulaleŋ a pulaleŋ,*+
Nyɛɛmbɔ naŋnuŋ, nyɛɛmbɔ o nda.”
11 A kuuwaa o suaa o waŋnda haa lo ni, nduyɛ o suɛi maŋgalɛi nda bii bila le ve niŋ o suaa ni.+ 12 Teleŋ pilɛ mbo dimul nda aa: “Fondaŋ pɛŋgiaa cho hoo ni. Wanaa cho a saŋgɛiya wa pɛŋgi, fondaa cho hoo ni le pɛŋgioo.” Kɛ ma kɛɛ le nilaŋ yaŋɔɔ.+ 13 Lelaŋ, nyɛ diom Chɛhowa wo wa niŋ le nda wo cho hoo ni:
“Sawalaŋ o sawalaŋ niŋ, sawalaŋ o sawalaŋ niŋ,
Pulaleŋ a pulaleŋ, pulaleŋ a pulaleŋ,*+
Nyɛɛmbɔ naŋnuŋ, nyɛɛmbɔ o nda.”
Le halikpeŋ te a wa kɔlaŋ pɛ,
A boŋ a del amakɔɔ,
Nduyɛ ma yomi yomi ma del o yaŋɔɔleŋ niŋ, okoŋ ma bii nda.+
14 Lelaŋ la tueiyɔ nyɛ Chɛhowa dimi wo, nya wanaa heelaŋnda haa,
Nya cho masaa waŋnda haa choo Chulusalɛm nda,
15 Kanifuule la cho dimioo aa:
Te mɛŋma koŋgi bɛnduaŋ ma hiŋ pɛ, ma cho hiouwɔɔ,
Ma cho fuuluu naa naa chua le.
Kanifuule ŋ siiŋguu choolaŋ naa naa viaŋnaŋnda,
Nduyɛ miŋ viaŋnuŋ o choolaŋ niŋ.”+
16 Lelaŋ nyɛ Chɛhowa, Mɛlɛka Kpuluŋguma Bɛndoo dimi wo cho hoo ni:
Wana o wana dɔu pɛ laalaŋndo o ndu niŋ, siooŋii bii ndu le.+
Looŋ kpuŋgbaŋ cho hunɔɔ naa viaŋnaŋaa lachoowaa basɔɔ tɛɛ,
Nduyɛ mi mɛŋma koŋgi bɛnduaŋ ma huŋ piɔ o fondaŋ viaŋnaŋndo.
Te mɛŋma koŋgi bɛnduaŋ ma hiŋ pɛ, ma cho hiouwɔɔ,
Nduyɛ mi ma tɛɛmbuu nya.
19 Mɛɛ ma hiau fau,
Ma cho nya basɔɔ tɛɛ.+
Ma cho wa hiouwɔɔ idii o idii,
Paaleŋ a nyumndaŋ.
Sɔɔŋ ŋsiooŋndoŋ koni cho tosa ni ma bii bila nyɛ ndaa tuei paandu wo.”*
20 Kpeloo wa niŋ bɔɔ o biŋgi le siɛndiŋndo lechoo,
Nduyɛ kola kuumbaŋndo cho wa o pɔmbuiinii le kuumbɔŋndo.
21 Kanifuule, Chɛhowa cho lasisi mɛɛ o sim o Pembii Pɛluasim Nde yɛ.
O cho lasisi mɛɛ o sim o kpoloŋ* cho Kibiɔŋ ikɛiyo yɛ,+
Le mbo tosa walta ndɔla kɔndɔfiltaŋ, la kendu bila biyɔɔ laŋ,
Nduyɛ mbo hiou lachi a wali ndɔɔ tosaa, wali o tosa wɔ paandu le wo.+
22 Lelaŋ la mam te,+
Yɔŋii yɔlɔŋ nda baa nya woŋ chɔɔlu nya ŋɔwɔɔ.
Kanifuule I tuei nyɛ Chɛhowa, Mɛlɛka Kpuluŋguma Bɛndoo, Mɛlɛka puaa chɔuwa dimi wo maa,
Kɛɛsiaa tosaŋ le lɛŋndeŋ kpou tɛɛmbuuwo.+
23 La yaŋ nilaŋ mi la tuei ya diom.
La yaŋ nilaŋ mi la tuei nyɛ ya cho dimioo wo.
24 Baa wana cho waa wo niilu pa waa kpɛŋ tuupa mbo saŋ kulloŋ?
Baa o hiau pa lachi a koŋɔɔ o seŋ kulloŋ te?+
25 Te o koŋ pɛ nyɛ o waa wo nyɛkɛndɛi,
Baa o seŋ kiumiŋ tiŋioŋ nduyɛ mbo tɔl kiumiŋ cheleŋ te?
Nduyɛ baa o tol witiiyoŋ, suaŋ lawomndoŋ, a baliiyoŋ o fondaŋnda ndalaŋ,
Mbo fuuluu+ a muŋ o sɔŋgilaŋ te?
27 Kanifuule, o cho a yɔmii nda luaa witiiyoŋ nde+ le nda luaa kiumiŋ tiŋioŋ te,
Nduyɛ kandu nda soliŋ kpeku le witiiyoŋ lɔɔ wo, o cho ndu le nda soliŋ kpeku le kiumiŋ cheleŋndoŋ lɔɔ le.
Kɛ a sioŋndeŋ nda luaa kiumiŋ tiŋioŋ ni,
Nduyɛ a tindaa nda luaa kiumiŋ cheleŋndoŋ ni.
28 A teleŋ nda luaa kulloŋ ndo, baa waŋndo chuii muŋ pa kpeyaŋndo le beediiyo* toosiaa?
Sako, o tosa lende a boondii keŋ te.+
Nduyɛ te o baa pɛ suaa o kandu ndɔɔ le muŋ nɛiyo,
O chuii muŋ te.+