Sam
Masiki.* Piɛile Deeve leŋ, teleŋ o wa o buuloo niŋndo.+
142 Mi veelu Chɛhowa le ya malaa.+
Mi nyɔɔlu Chɛhowa le mbo tuiinuŋ ya inyiɛɛ.
2 Mi chɔm ndu bahawɛila nilaŋ kpou.
Mi dimul ndu a sɔɔŋ tɛɛmbuu ya kɔllo woŋ okɔɔ,+
3 Mɛɛ yoomuaŋ ma chuu ya.
Nduyɛ Mɛlɛka sina nɛi ya kela choo wo.+
Yaamɔɔwaa niaa kɛsi yaŋɔɔlaŋ,
O nɛi ya keiyo choo.
Ba o ba cho mi nyaanuŋ te,+
Nduyɛ wana o wana buulaŋ a ya okɔɔ le.
5 Oo Chɛhowa, I veelu num le malaa.
Mi dimi aa: “Num cho naa niaa viaŋnaŋnda ni.+
Num kinɛi ya nɔ wanaa cho yoomu wa tɛɛŋ ni.”
6 Yaŋ nilaŋ o chaŋ ya cho naa num chua le malaa wo,
Kanifuule kɔllo tambu ya bɔɔ.
Piŋi ya wanaa cho ya nyɛkindilaa handɔɔ choo wa o ba,+
Kanifuule a nɔ kpaayaa ma hiau ya.
7 Soli ya o sooŋndo niŋ,
Le halikpeŋ mi saŋgala diola numndaŋ.
Maa wanaa cho sakpo wa balu ya silɔ,
Le mɛɛ ŋ bii ya nyɛkɛndɛi yɛ.