Silaa O Sindɔɔ Niŋ

Chɛhowa chɛl niŋ mi wanaa wɔɔŋnda tɛɛmbuu Kpele Hɛnɛkiɔɔ le. Chaaŋaa nduaa kinɛi wa niŋ loŋ ni. Yɛɛ yɔŋnuŋ yɛ niŋ a wanaa wɔɔŋnda? Le mulioo sinaa, ŋ yaasiaŋndɔ bundɛi Nuuwa ve. Nuuwa wa achal o wɔsila bɔɔbɔɔ hiou laŋ niŋ. O wa wana kɛndɛ o ndoo kindiŋ kpoke le hɛnaŋ Chɛhowaa tosaa teleŋ o teleŋndo. Kɛ wanaa cheleŋnda wa sɔɔŋ wɔɔŋndoŋ tosaa o chieeŋndo choo. Lelaŋ, mi Chɛhowa dimul Nuuwa maa o cho hunɔɔ a mɛŋma koŋgi bɛnduaŋ le wanaa dɛnɛ wɔɔŋnda tɛɛmboo. Mbo dimul Nuuwa le dɛndɔɔ baŋɔɔ le mi ndu a yuŋgu ndɔɔ sɔla kindaa teleŋ Mɛŋma Koŋgi Bɛnduaŋ ma hiŋndo.—Chɛnɛsee 6:​9-18.

Mi Nuuwa a yuŋgu ndɔɔ taŋgul dɛndɔɔ. Mi Nuuwa sila waŋnda maa Mɛŋma Koŋgi Bɛnduaŋ ma cho hunɔɔ, kɛ a yeŋ ndu lani le. Ma hiau lachi a sɔɔŋ wɔɔŋndoŋ tosaa. Mɛɛ dɛndɔɔ chuu taŋgul, mi Nuuwa luei visiaa o dɛndɔɔ niŋ, vɛlɛ mi ndu a yuŋgu ndɔɔ bɛɛ luɛi le niŋ. Mi Chɛhowa soli hueiyii bɛnduei. Mi piɔɔ sia le palɛi 40 a nyumndaŋ 40. Mi mɛŋndaŋ ma kumbu chieeŋndo kpou.—Chɛnɛsee 7:​7-12.

Mi yoomula wanaa dɛnɛ wɔɔŋnda la tambu, kɛ mi Nuuwa a yuŋgu ndɔɔ sɔla pioŋɔɔ. Mi Chɛhowa soli nda yɛlɛkɛlɛɛ o Mɛŋma Koŋgi Bɛnduaŋ maŋ niŋ, mbo huŋ a nda o lɛŋnde diandaa le nɔ dɛnɛ wɔɔŋ te leŋ niŋ. (Chɛnɛsee 7:​22, 23) Mi Baabuiyo dimi maa lende i cho hunɔɔ vɛlɛ yɔŋnɔŋ ni. Chɛhowa cho hunɔɔ wanaa kɛɛ le sɔɔŋ tosaa sakpo wa tɛɛmbuu. Wanaa Mɛlɛkaa sɔla niŋ tambei le. A cho wa achal lefafɛɛŋ o Kpele Hɛnɛkiɔɔ niŋ o lɛŋndeŋ choo.—Pitɛ Diiŋ Ndɔɔ 2:​5, 6, 9.

Hau wanaa bɔɔbɔɔ cho sɔɔŋ wɔɔŋndoŋ tosaa. Chieeŋndo cho o piaa cha a kpundɛlaŋ. Chɛhowa cho Seiyaa nduaa yɔŋndo lɔɔlɔɔ le waŋnda silaa, kɛ wanaa bɔɔbɔɔ yeema ma yaŋ diom Chɛhowaa nilaŋ te. A yeema ma siŋga kaala ndalaŋ te. A yeema ma chɛl nyɛ Mɛlɛka dimi le sinaa o kɛndɔɔ a o wɔɔŋndo tɛɛŋndo le. Yɛɛ yɔŋnuŋ yɛ niŋ a waŋnda haa? A siŋgaŋ niŋ pa paale pum? A bɔɔbɔɔ siŋgaŋ niŋ te. Teleŋndo cho niŋ kpɛɛluŋ le wanaa wɔɔŋnda tɛɛmboo nduyɛ a ve niŋ achal kposoŋ te.—Sam 92:​7.

Lɛŋndeŋ le cho hunɔɔ tambu le, le miiŋgu niŋ Kpele Hɛnɛkiɔɔ. Wanaa simnuŋ niŋ chaaŋaa Mɛlɛkaa wa, a wa niŋ achal le fafɛɛŋ o Kpele Hɛnɛkiɔɔ niŋ o lɛŋndeŋ choo.—Sam 37:​29.