BUŊGƐI 11
Le Yɛɛ Naŋ Kua yɛ o Bɔŋaŋnda Bɛndaŋ?
Mɛsiko
Chamani
Bɔsuaana
Nikalakuaa
Itali
Le yɛɛ waŋnda haa cho yɛ naa a nyaale? O bɔŋaŋnda naala bɛndaŋ opliɛ nda cho naa ni. O sindɔɔ niŋ, mi Mɛlɛka dimul wanaa nduaa le ma wa chuuŋgiaŋndo le yaa o wɔsioo niŋ. Naa bɛɛ, wɔsi o wɔsi ŋ wa lehɔl o nɛi le chuuŋgiaŋndo kunda bɛndoo wɔlɔŋ. (Ditɔnɔmii 16:16) Wɔsi o wɔsi fee, ŋ nɔ bɔŋaŋnda bɛndaŋ la yaa. Bɔŋaŋ ibuŋgaa lediiŋ o wɔsioo niŋ a o palɛi yaa wo. Vɛɛ ŋ sɔla yɛ tɔnɔɔ o bɔŋaŋndaŋ ndaŋ?
Mila kindi chaaŋaa naa wanaa laalaŋnda poŋ. Mɛɛ mɛɛ Isɔluɛitiiya ndaa diinuŋ sindɛ faŋga bɛndoo le Chɛhowa saŋgalaa a nyaale yɛ, lende koni naa bɛɛ ŋ piɛi Chɛhowa diompilɛ a nyaaloo o bɔŋaŋnda naala bɛndaŋ ni. (Sam 26:12; 111:1) Bɔŋaŋnda bɛndaŋ la mala naa miŋ chiikaŋ a chaaŋaa naa wanaa laalaŋaa cheleŋ cho o kundala cheleŋ niŋnda, vɛlɛ a lɛŋii cheleŋ. Te ŋ mal pɛ malɔɔ tasoo, miŋ diinuŋ naapilɛ o fondaŋ naŋ cho bɔŋaŋndo biyɔɔ wo le nyɛdiaa naŋ kuɛ vellaa velle wo dioo naa chaaŋaa naa wanaa laalaŋnda. Keŋ tosaa mala naa mi chaŋyɛi nɛi chɔɔlu kui tau. (Walta Wanaa Chiisuaa 2:42) Loŋ naŋ cha kaalaa “chaaŋaa naa wanaa laalaŋnda” tɛɛŋ ni a cho haa o chieeŋndo choo kpou wa.—Pitɛ Tasoo 2:17.
Mila mala naa miŋ tosa hiouwɔɔ lachioo o Mɛlɛka piɛiyo niŋ. Mi Isɔluɛitiiya sɔla vɛlɛ tɔnɔɔ mɛɛ nda bii diomnda cho o Baabuiyo niŋndaŋ bila. Kanifuule ma tɛɛsial nda laŋ vɛ vɛ. (Nɛhimaya 8:8, 12) Naa bɛɛ te ŋ sɔla pɛ silaa o bɔŋaŋnda naala bɛndaŋ ndaŋ, ŋ nɔ miŋ bii laŋ a bala tiɔɔŋ. Bɔŋaŋ kɛ kɛ fee, o Baabuiyo niŋ suɛi nduɛi lebolle fula ni. Sɔɔŋ yeelɛi yɔŋguŋ loŋ ndoŋ ni, suɛi cho i piɔwaa a pɛlta yɛ yɛlaŋnde ni, suɛi nda dimi ma miŋgi ndi vɛlɛ tuula ve ni, kpou mala naa miŋ tosa hɛnaŋ Mɛlɛkaa o yoomu naa niŋ. O bɔŋaŋnda palɛi yaa ve choo, lepum miŋ che tuulaa a wanaa masindiaa okɔɔ, vɛlɛ a mɛɛ ndaa chuɛinuŋ yɛ. Tuulaa hoo mala naa miŋ sina mɛɛ sɔɔŋ muŋ yɔŋnuŋ o sindɔɔ niŋ yɛ, nduyɛ a mɛɛ o cho maa sila le boondii nɛi hei yɛ. O bɔŋaŋ bɛndu kɛ kɛ, mi waŋnda sɔla yiŋɔɔ. Waŋnda haa yɔŋgu yoomula ndalaŋ o Mɛlɛka lo ni.
Le yɛɛ bɔŋaŋndaŋ la cho yɛ boondii nyaale?
Tɔnɔ yɛɛ ŋ sɔla yɛ te a kuɛ pɛ o bɔŋaŋ bɛndoo?