A Yeema Pa Ma Tosa Hɛnaŋ Chɛhowaa?

Niwali tau le teleŋ numndo chuaa ma nua o yauwo hoo niŋ. Hei mala num ma sina wanaa suu Seiyaa Chɛhowaa cho wa. A pɛɛku a wali nda cho tosaa wo okɔɔ, nduyɛ o mala num vɛlɛ ma sina mɛɛ kɔɔna ndaa cho sɔɔŋ tosaa yɛ. Ŋ laalaŋ maa yauwo hoo mala num ma sina kɛsɛ kɛsɛ maa Seiyaa Chɛhowaa kpeekpei cho hau hɛnaŋ Chɛhowaa tosaa ni. Ŋ cho num kɔllo dɛɛniaa le ma hiou lachi a pɛɛkoo a kɔlkalu Mɛlɛkaa okɔɔ, nduyɛ ma dimul yuŋgu numndo vɛlɛ a chaaŋaa numnda a nyɛ ŋ cho pɛɛkoo wo okɔɔ. Kindiŋ vɛlɛ ma wa hunɔɔ lɔɔlɔɔ o bɔŋaŋnda naala leKilisiɔŋndaŋ.—Hibuluiya 10:23-25.

O hei niŋ, a cho sina maa, mɛɛ ŋ hiau lachi a pɛɛkoo a Chɛhowa okɔɔ fau, lende koni kaala numndo le ndu o hindu ni. Hei nyindu num kɔllo le ma chɔm kaala numndo kpeekpei le Chɛhowa. (Chɔŋ Tasoo 4:​8-10, 19) Kɛ vɛɛ ŋ chɔm yɛ yeemɛi keŋ o yoomu numndo niŋ? Le yɛɛ o bɛnda yɛ ma nɔ yeemɛi le sawala ndɔla walaŋndaŋ diikɔŋndo? Yɛɛ mala yɛ num le hɛnaŋ Mɛlɛkaa tosaa a naa latulu? Wana cho num Baabuiyo pɛɛkoo wo wa a kɔl kɛndɛ le mbo mala num nyunalaŋ ndaŋ muli. Koŋ tosa ni mi num a yuŋgu numndo ‘hiou lachi a vaa o kaala Mɛlɛkaa bɛŋgu nduyɛ mi la chum le yoomu kpeekpei nɔ lamɛɛlu le wo.’—Chiud 21.

Ŋ cho num dɛɛniaa le ma hiou lachi a tonya cho o Baabuiyo niŋndo pɛɛkoo o yauwo hoo niŋ . . . Lo o Kaala Mɛlɛka Wo Bɛŋgu.