NYUNALA BAABUIYO MULILAŊ
Baa maalikɛiya mala naa pa?
Daniɛl cho o sooŋ yalakanaa niŋ mi maalikɛiya kiindiaa ndu
Daniɛl cho o sooŋ yalakanaa niŋ mi maalikɛiya kiindiaa ndu
Chɛhowa toosiaa fɛŋ maalikɛiya o miiliɔŋndaŋ niŋ tuupa mbo toosiaa waŋchieeya. (Choobu 38:4, 7, NW) Maalikɛiya haa nɔ kpaayaa o wali Mɛlɛkaa niŋ. Lepum, mi Mɛlɛka ndoo vem nda le buɛiyaa nduaa o chieeŋndo choo nɛi chɔmaa kioo a nda mandaa. (Chondei 91:10, 11, NW) Hau, maalikɛiya cho waŋnda malaa le ma sɔla tɔnɔɔ o yooŋgu kɛndɛ buɛiyaa Chiisuaa cho dimioo wo niŋ.—Nuawɔ Sɔɔŋ Chɔɔmaŋndoŋ 14:6, 7.
O bɛnda pa miŋ piɛi o maalikɛiya lo le malaa? Sako bɛɛ. Mɛlɛka ndupilɛ kpe naŋ nɔ ni miŋ piɛi. (Sɔɔŋ Chɔɔmaŋndoŋ 19:10) Le mɛɛ maalikɛiya cho buɛiyaa Mɛlɛkaa yɛ, a nɔ ma yaŋ ndu nilaŋ le mbo chɔm nda nɛiyo, kɛ o cho waŋchieeya le. Le sabu koŋ, te ŋ wa pɛ piɛileŋ, o Mɛlɛka lo sanaa naŋ nɔ ni miŋ piɛi o diola Chiisu laŋ niŋ.—Nuawɔ Chondei 103:20, 21, NW; Maatiu 26:53.
Maalikɛiyaa wɔɔŋnda cho pa?
Mɛɛ waŋchieeya tosa chuaŋ chuaa o kɛndɔɔ a o wɔɔŋndo tɛɛŋ yɛ, lende koni maalikɛiya bɛɛ cho ni. Kɛ icho suɛi imɔnɔ le sinaa maa mi maalikɛiyaa bɔɔbɔɔ tosal Mɛlɛka nila kalulaŋ. (Pitɛ Diiŋ Ndɔɔ 2:4) Wana tasoo o nda tɛɛŋ wa Setana ni. Mi acheleŋnda tual ndu kɔɔli ma simnuŋ nyinaa wɔɔŋnda. O teleŋnda hiou laŋ niŋ, mi Setana a nyinaa nduaa wɔɔŋnda sɔla solioo o choo choo niŋ ma nyindu nda o lɛŋndeŋ choo.—Nuawɔ Sɔɔŋ Chɔɔmaŋndoŋ 12:7-9.
Chɔŋ o wɔsi 1914, dɛnɛ wɔɔŋndo a niilu latandaa cho tuŋ kuiyo. Hoo chɔm ni maa teleŋndo bendu lɛ le, mi Mɛlɛka huŋ faŋa Setana a nyinaa nduaa wɔɔŋnda o lɛŋndeŋ choo bau. O koŋ, mbo miŋgi chieeŋndo mɛɛ o bɛnda le waa yɛ.—Nuawɔ Sɔɔŋ Chɔɔmaŋndoŋ 12:12; 21:3, 4.