Nyɛ Ŋ Nɔ le Tosaa Wo

Le Pɛɛkula Baabuilaŋ Kandɔɔ o Ndaama Tasoo Choo o Yimdimiiyo Niŋ

“Ŋ hiŋ le suukaŋndo a nyɛ mala yuŋgulaŋndo okɔɔ. Kalaŋ chuauwaa bɔɔbɔɔ yeema mi chuauwaa ndaa kaala Mɛlɛka. Kɛ a yiyaŋ pa maa kalaŋ chuauwa nɔ ni ma pɛɛku chuauwaa ndaa, ɔɔ chuauwa nɔ ni ma pɛɛkuŋ ndapila le Mɛlɛka kaalaa?” Chum mbo muli. Chɔm ndu Bandu Mɛŋgɛlaa kɔɔ Yindimiiyo 1. Okoŋ, la yaasiaa buŋgɛi cho o nyuna tasoo bɛŋgu ve latulu. O wa bɛɛ bolle Baabuileŋ le pilɛ ni, la nua nya ndu. Mel ndu yaulaŋ mi la kɛɛsiaa le hunɔɔ suukaŋndo o nyuna diiŋ ndɔɔ choo.

Bandu Mɛŋgɛlaa Yindimiiyo 1

“Ŋ hiŋ o nyalo chokobi le suukaŋndo a Mɛlɛka okɔɔ. Ŋ sina maa wana o wana nɔ yiyaŋ ndɔɔ a Mɛlɛka okɔɔ. A yiyaŋ pa maa wanaa bɔɔbɔɔ che ndu maa wana kpaaya bɛndu le ndupila koni o cho ni, ɔɔ wana buulaŋ a chaaŋaa nduaa kɛsɛ wo o cho ni? [Chum mbo muli.] Bolle Baabuileŋ ndeŋ le chɔm naa chaŋyɛi suu Mɛlɛka yeema naa miŋ nɔ a ndu ve. [Nuawɔ Chemisi 4:8a.] Yauwo hoo chɔm naa sɔɔŋ sala yaa ŋ naŋ tosa miŋ sɔɔŋguu Mɛlɛka ikɛi kpɛɛluŋndo.”

Awake! Yindimiiyo

“Ŋ hiŋ o nyalo chokobi le suukaŋndo a bahawɛi kɛndiaa okɔɔ. A mɛɛ Kɔɔna Chieeŋndo le Dandala Waŋchieeya dimi yɛ, buulaŋ bɛndu bɛndoo bɛɛ tosa mi waŋndo sɔla bolle hiŋnaŋndeŋ. Nduyɛ a dimi maa o cho hunɔɔ paaliaŋ wana pilɛ o wanaa hiɔɔlu tɛɛŋ o yoomu ndaa niŋ. A yiyaŋ pa maa naa bolle hiŋnaŋndo cho hau kuiyo? [Chum mbo muli.] Baabuiyo ke naa tiidaŋndo maa o chieeŋ sɛnɛiyo niŋ, naa velɛ niŋ te kɛlɛŋgaa mi nyɛ kindilaa wa. [Nuawɔ Sɔɔŋ Chɔɔmaŋndo 21:3, 4.] Yauwo hoo chɔm sɔɔŋ ŋtiŋ ŋ wana o wana nɔ mbo sina a naa bolle hiŋnaŋndo okɔɔ wo.”