Dɛɛniaŋndo Vellaa Velle Ke Acheleŋnda Sɛmbɔɔ le Walta Kɛndɛlaŋ Tosaa

Hibuluiya 10:24 cho naa dɛɛniaa le miŋ nuuviaa nɛila naŋ kpeeŋiaa chaaŋaa naa vellaa velle le nda kaalaa chɔmndo a walta kɛndɛlaŋ tosaa laŋ. Ŋ tiuba miŋ ke puaapiliaa naa yoomuaŋ te ŋ kɛsi pɛ tamaselii kɛndɔɔ a mɛɛ naŋ chɔm laalaŋ naa yɛ. Chɔm wanaa nya cho o kundaa niŋnda sɔɔŋ kɛndɛŋ yɔŋnuŋ numndoŋ. Tosa mi chaaŋaa numaa laalaŋnda che nyaale ŋ cho tueiyɔɔ yeela o Chɛhowa piɛiyo niŋndo. Kɛ a koŋ kpou, pɛŋgi numpila tuunɔŋndo a nda ɔɔ a wanaa cheleŋnda. (Kal. 6:4) Nuuviaa nɛila ŋ soliŋ yoomuma numndaŋ kpeku ma dɛɛniaa acheleŋnda le kaalaa chɔmndo a walta kɛndɛlaŋ tosaa, kɛ o cho kaala ndala wɔɔŋndaŋ te ŋ tofa nda o ŋdial te. (Tofa yau “Sukuu Manda iMɛlɛkayaa” peele 158, pɛl 4.) Te ŋ nuuviaa pɛ nɛilaŋ le kaalaa chɔmndo, mɛɛ ŋ cho wa acheleŋnda kɛndɛi tosallo ɔɔ yooŋgu kɛndɔɔ nda dimullo—Kɔl. Diiŋ Ndɔɔ 1:24.