Kona Wali Pollo

Kona wali pol wɔsi naa baalaa le wɔsi 2014 ve chɔm kpendekele maa hiouwɔɔ lachioo tosaŋ bɔɔ o yooŋgu kɛndɔɔ dimioo niŋ o lɛŋnde Saloŋ ndeŋ niŋ vɛlɛ a Kini. O wɔsi naa baala hiou wo niŋ o lɛŋnde Saloŋ ndeŋ niŋ, mi wanaa dimiaa yooŋgu kɛndiaa handuŋ lechoo bɛmbɔɔ le yaa. O lɛŋnde Kini leŋ niŋ, mi wanaa dimiaa yooŋgu kɛndiaa handuŋ lechoo bɛmbɔɔ le hiɔɔlu. Wanaa dimiaa yooŋgu kɛndiaa o lɛŋnde Saloŋ ndeŋ niŋ cho niŋ ŋwaŋ 2,055 vɛlɛ a ŋwaŋ 767 o lɛŋnde Kini leŋ niŋ. Wanaa ndaa hiŋ o Loonuŋya piɔm Chiisoo wa a wa ŋwaŋ 9,061 o lɛŋnde Saloŋ ndeŋ niŋ. O lɛŋnde Kini leŋ niŋ, ŋwaŋ 3,280 ndaa hiŋ o Loonuŋya piɔm Chiisoo ni. Ŋ nɔ tiindaŋndo maa wɔsi naa baalaa le wɔsi 2015 huŋ niŋ a salalaŋ tau mɛɛ naŋ cho a nyaaloo maa wɔsilaŋ 100 Masale Mɛlɛkaleŋ le chiiyɔ o choo choo niŋ ni.