Hiouwɔɔ Lachioo Tosaa o Wali Pollo Niŋ—Wana Dimi Suɛi Maŋgalɛi Cheleŋndo Yooŋgu Kɛndɔɔ Dimullo.

Le Yɛɛ Hei Bɛnda Yɛ: Chɛhowa yeema le mi waŋnda o lelɛŋ o lelɛŋ niŋ pɛɛku a ndu okɔɔ. (Walta Wanaa Chiisuaa 10:34, 35) Le hei, mi Chiisu dimi maa yooŋgu kɛndɔɔ nɔ le dimiŋndo “ba o ba fee o chieeŋndo choo” le “mi waŋnda kpou a tuei.” (Mat. 24:14) Mi Sɛkalaya bɛɛ poonyiaa maa “waŋnda a fula niŋ o lɛŋnde niŋ a kaalaŋ kpou” ma pɛɛku a Chɛhowa okɔɔ. (Sɛk. 8:23, NW) A mɛɛ kiilanɔɔ Chɔŋ che o yilaŋndo niŋ yɛ, wanaa cho fula o nyɛpalaa bɛndoo niŋnda wa niŋ waŋnda “fulaa o lelɛŋ o lelɛŋ niŋ, a lekaa o lekaa, a waŋnda suu o suu a isɔɔ o isɔɔ maŋgalaa.” (Chɔɔmɔŋndo. 7:9, 13, 14) A mɛɛ naŋ laŋga yaasiaa yɛ, te ŋ komal pɛ wana dimi suɛi maŋgalɛi cheleŋndo o tanda naa niŋ, ŋ kindiŋ kpoke le ndu yooŋgu kɛndɔɔ dimullo.