Kona Wali Pollo

O Saloŋ niŋ a Kini, miŋ tuɛi Bɔŋaŋ Palaɛi Yaawo yeela tau. Suɛi lebol bɔŋaŋndo hoo wa ni, “La Landuŋ Ndɔ Fɛŋ Kɔl Le Masale Mɛlɛkaleŋ!” Wanaa chuuŋgiaŋ Kini le bɔŋaŋndo hoo biyɔɔ wa a wa kpou kpou ŋwaŋ 1,990, nduyɛ ŋwaŋ 37 yiŋ ni. Le Filitɔŋ a Kuɛɛndu o Saloŋ niŋ, wanaa chuuŋgiaŋ le bɔŋaŋndo hoo biyɔɔ wa a wa kpou kpou ŋwaŋ 4,192, nduyɛ ŋwaŋ 85 yiŋ ni. Kandɔɔ kɛndɔɔ pila cho hoo ni le wɔsi naa baalaa, wɔsi 2015 ve. Nduyɛ, hoo chɔm ni maa ŋ chɛl nyɛ Chiisu Kiliti, wana cho kunda leKilisiɔŋndo bolleŋndo dimi wo. Mbo dimi aa, “Chiɛi vesa tau le kouwɔɔ, kɛ, wanaa kuauvaa a cho a bɔɔ le. Lelaŋ la dimul wana nɔ chiɛi yo mbo yɔŋ wanaa walla ma kuu ndu ndi.”—Maatiu 9:37, 38.