Hiouwɔɔ Lachioo Tosaa o Wali Pollo Niŋ—Yooŋgu Kɛndɔɔ Dimioo o Fondaŋ leYulaa

Le Yɛɛ hei Bɛnda Yɛ? Mɛɛ wanaa bɔɔbɔɔ chua teleŋ ndaa tau o walta ndalaŋ niŋ yɛ, nɛi sɔvɛ naŋ komal nda a yooŋgu kɛndɔɔ wo cho kɔlaŋ o fondaŋ nda tosa baalaa wo ni, le miŋ dimul nda yooŋgu kɛndɔɔ. Yooŋgu kɛndɔɔ dimioo o fondaŋ leyulaa cho nyɛ yeelɛi nduyɛ, o nɔ fulamakɔɔli kɛndɔɔ tau. Kanifuule, a kue niŋ ma kɛɛ waŋnda komal te. Nduyɛ te wanaa leyulaa che num pɛ o fondaŋ nda leyulaa, ma chaa num biyɔɔ kanifuule, a wa ko kɔl maa nyɛ ŋ kuɛ piondɔɔ ni. Le yooŋgu kɛndɔɔ dimioo nyɛkɛndɛi, wanaa dimiaa yooŋgu kɛndiaa nɔ ma chɔm sinalapɛŋgoo nduyɛ ma chuɛɛnuŋ nyɛkɛndɛi. (2 Kɔliŋ. 6:3) Le hei, wana cho wali pollo chilaŋ o kundaa niŋndo nɔ mbo sina mɛɛ kpɛ yooŋgu kɛndɔɔ cho dimiŋndo o fondaŋnda leyulalaŋ niŋ yɛ vɛlɛ a wanaa kua ndu dimioo wa.

Vɛɛ Ŋ Tosa yɛ Hei?

Te ŋ chua pɛ teleŋ wana leyulaa tau, o chɛl niŋ naa lɔɔ cheleŋ le suɛi o ndulo le.
Naapum teleŋ wanaa piandaa ve wɔ tau le wo te koŋ te, te a kumbi dɔɔ pɛ idii.
A nɔ ma wa wuye wuye nduyɛ ma chɔm kaa ichaŋyaa. Naapum a dimi naa aa, “Ŋ cho chaaŋaa naa yilɔɔ chobe o fondaŋ nda leyulaa, kanifuule, o cho ikala le nda komallo o la ndalo bɛɛ.” Suukaŋ a ndu chobe okoŋ, ma mel ndu yau pɔmbɔɔ, Bandu Mɛŋgɛlaa a “Tiondoo” ɔɔ yaula naala cheleŋ. Yɔŋi nda yiyaŋ maa yaulaŋ naŋ cho pisioo ni, o bɛnda miŋ dimul nda a kɛɛsiaa cho le tooloo yɔŋgoo wo le, mɛɛ dɔɔ ma nyuna mɛɛ wali naa tooluŋ yɛ.
O fondaŋ nda leyulalaŋ lapum, o naŋ ma nyuna te o bɛnda pɛ ma mel nda yaulaŋ o fondaŋ nda kua pɛŋgioo wo.
Le tamaseliiyo, te wana leyulaa wa pɛ suɛi o wana hiŋ piondɔɔ wo lo ɔɔ mbo wa nyɛ tosa, chum ndu haaa mbo chii tuupa ma kandu suɛi o ndulo.

Kindiŋ Ma Tosa Hei o Paŋgei hei Niŋ.

Te la wa Pɛɛku nya leYuŋgoo tosaa lɔɔ cheleŋ pɛ, la pɛɛku chobe nyɛ nya cho lakɔ dimi o wali pollo niŋ o fondaŋ leyulaa wo.