Kona Wali Pollo

A Kooŋndo 15, 2015 ve, mi kunda hivi Mɛndeiyo kua Boo chiee o fondaŋ waŋnda dimi suɛi maŋgalɛi hei tau wo. Loŋ nda cho niŋ wa Wali Hiviaa Tosaa Landaŋ a Lɛuve ni. Kɛɛsiaalaŋ la cho tosaŋndo le Kunda Hivi Kiseiyo yɔŋndo Kpekedu o tanda waŋnda dimi Kiseiyo. Nda bɛɛ loŋ nda cho niŋ wa Wali Hiviaa Tosaa Landaŋ a Lɛuve ni. O lo niŋ vɛlɛ chobe ma kandu waŋnda pɛɛkoo le Timille hivioo. Pɛɛkoo hoo cho tosaŋ Makeeni chiee. Ŋ mel Chɛhowa balikaa tau le kundala hiviaala cho o lɛuvii nɛi bɛŋgu ve. Nduyɛ, waŋnda tiu hau ba ma dimi mɛɛ i yɔŋnuŋ o wɔsiŋ kɛmɛ tasoŋ niŋ yɛ aa, “Ŋ cho nda suɛi tueiyɔɔ a walta kɔndɔfilta Mɛlɛka tosa laŋ okɔɔ o sɔɔŋ naŋ maŋgalaŋ yɛ yiɔɔŋ niŋ.”—Walta Wanaa Chiisuaa 2:11.