Kɔfu Nyunaa

◼ Teleŋ Kuɛɛ o Bɛnda yɛ Ma Kelu Pɛɛkoo a Wana ŋ cho Baabuiyo Pɛɛkoo Wo?

Te wana ŋ cho Baabuiyo pɛɛkoo wo ve hiouwɔɔ lachi tosa le, naapum a dimul ndu o nɛi chaa niŋ maa a cho lɛ wa pɛɛku tosa a ndu le. (Maa. 10:​11) Kɛsiŋ sɔɔŋ muŋ o kɔl. Baa o sɔla pa fondaŋ le pɛɛkoo a teleŋ nya kɛsi wo? Baa o bɛɛndiaa pa buŋgɛi nya nɔ le pɛɛkoo ve tuupa ma hiŋ le ndu pɛɛkoo? Baa o kuɛ niŋ pa o bɔŋaŋnda naala leKilisiɔŋndaŋ lapum? Baa o chɔm pa acheleŋnda nyɛ o cho pɛɛkoo a Chɛhowa okɔɔ wo? Baa o cho pa siŋgaŋndaŋ tosaa o yoomu ndɔɔ niŋ a mɛɛ Baabuiyo dimi yɛ? A koŋ kpou, a nɔ ma kɛsiŋ o kɔl wɔsiŋ ndɔŋ vɛlɛ a nyɛ o tiuba mbo tosa wo kanifuule, hiouwɔɔ lachioo tosaŋ o nɛi pilɛ choo le. Kɛ te a kelu pɛɛkoo tosaa a waŋndo pɛ, dimul ndu kpendekele maa a cho o bɛɛndiaŋ le ma kandu vɛlɛ pɛɛkoo a ndu o chilaŋ niŋ te o yeema pɛ.—1 Timo. 2:​4.