Mala Chuauwaa Numnda Ma Nɔ Tiindaŋ Kala Kalaa o Wana Toosiaa Niŋ

Nyɛm Chɛhowa toosiaa woŋ cho chɔmndo a tɔɔmayɛi nduɛi okɔɔ. (Sam 19:1-4; 139:14) Kɛ a koŋ kpou, chieeŋ Nyina Wɔɔŋndo cho hiouwɔɔ lachi a pɛɛkula lachoowalaŋ maa o cho Mɛlɛka le toosiaa yoomoo le. (Luom 1:18-25) Vɛɛ ŋ mala yɛ chuauwaa numnda pɛɛkula suu waa naa luei nda o kɔl te? Mala nda teleŋ nda cho a pɔmbɔ wo ma nɔ tiindaŋndo maa Chɛhowa cho kpeekpei nduyɛ maa o buulaŋ le nda. (2Kɔl 10:4, 5; Ɛfi 6:16) Kindiŋ ma sina yiyaŋ ndaa a nyɛ nda cho pɛɛkoo o sukuuwo, nduyɛ ma soliŋ nyɛm waliŋ bɔɔbɔɔ kɔɔnaa toosiaa woŋ kpeku le nda malaa.—Pulɔ 20:5; Chemi 1:19.

TOFA VIDUEIYO HOO NYƐ CHAAŊAA NUMNDA DIMI WO​—LAALAŊNDO O MƐLƐKA NIŊ, OKOŊ MI LA YAASIAA NYUNALAŊ NDAŊ:

• Laalaŋ lachoowa kuɛɛ wanaa bɔɔbɔɔ nɔ yɛ a Mɛlɛka okɔɔ?

• Yɛɛ nda pɛɛku yɛ o sukuu numndo?

• Yɛɛ ke yɛ num laalaŋndo maa Chɛhowa cho kpeekpei?

• Vɛɛ ŋ mala yɛ waŋndo le mbo laalaŋ maa Mɛlɛka toosiaa nyɛ o nyɛ ni?