Dɔunuŋ Nyaale o Nyɛ Ŋ Tiindaŋndo Niŋ

Tiindaŋndo cho ko mɛɛ nyɛ bii wana kpiŋndo cho yɛ. (Hibu 6:19) O mala naa miŋ fafaŋ delɔɔ o Mɛlɛka piɛiyo niŋ te sɔɔŋ tosa miŋ mal Mɛlɛka piɛiyo wo komal naa pɛ. (1Timo 1:18, 19) Sɔɔŋ tosa miŋ mal Mɛlɛka piɛiyo wo ŋtiŋ cho ni, kɔl tambɛiyo, bahawɛiyo, dialii nɛyɛi kala kalɛi, te wana ŋ kaala wo vi pɛ, ɔɔ nyɛ o nyɛ cheleŋ faŋa naa pɛ o pimbi simiaa choo.

Tiindaŋndo mala naa miŋ che mɛila Mɛlɛkalaŋ nyɛkɛndɛi. (2Kɔl 4:16-18; Hibu 11:13, 26, 27) Lelaŋ, o yɔŋ bɛɛ mi tiindaŋ naa wa le kɔlaŋ choo choo ɔɔ le waa o chieeŋndo choo, ŋ nɔ miŋ hiou lachi a tiindaŋ naa kindioo a mɛɛ naŋ yiyaŋ lɔɔlɔɔ o mɛila Mɛlɛkalaŋ choo o Diom Mɛlɛkaa niŋ yɛ. Mɛɛ te tɔɔndaŋndo komal naa pɛ, o wa tɛtɛlɛ le miŋ wa a nyaale.—1Pitɛ 1:6, 7.

TOFA VIDUEIYO DƆUNUŊ NYAALE O NYƐ Ŋ TIINDAŊNDO NIŊ, OKOŊ MI LA MULI NYUNALAŊ NDAŊ:

• Le yɛɛ taamaselii Muuse wo cho yɛ o kɛndɛ le miŋ tol ndu kɔɔli?

• Kalaŋ kuɛɛ wanaa cho yuŋgulaŋ bolleŋ nda nɔ yɛ?

• Sɔɔŋ kuɛɛ nya nɔ yɛ mi la yaasiaa le Pɛɛku nya leYuŋgoo?

• Vɛɛ tiindaŋndo mala yɛ num ma biuŋ simultaŋ?

• Yɛɛ ŋ cho yɛ lehɔl o nɛi?